01.05.2026 | 09:36
Աշխատում է քաղաքացին՝ զարգանում է տնտեսությունը՝ ապահովելով պետության առաջընթացը․ Ալեն Սիմոնյան
Թուրքիայի և Հունաստանի ՊՆ պատվիրակությունները կհանդիպեն Աթենքում
Քաղաքականություն
20.05.2019 | 22:01
Թուրքիայի և Հունաստանի պատվիրակությունները երկկողմ հանդիպումների ընթացքում կքննարկեն ռազմական ոլորտում համագործակցության զարգացման հեռանկարները. գրում է ermenihaber-ը:
Հանդիպումների օրակարգում գլխավորապես կլինեն Էգեյան ծովում անվտանգության պահպանման միջոցառումների հարցում երկու երկրների համագործակցության հարցերը:
Թուրքիայի և Հունաստանի պաշտպանության նախարարությունների պատվիրակությունների հանդիպումները տեղի կունենան Աթենքում մայիսի 20-25-ին։
Նշենք, որ երկու երկրների պաշտպանական գերատեսչությունների միջև կայանալիք հանդիպումների մասին հայտարարվել էր այն բանից հետո, երբ անցյալ շաբաթ միջազգային ծովային տարածքում միջադեպ էր գրանցվել «Denizkurdu-2019» զորավարժություններին մասնակցող թուրքական ռազմանավի և հունական նավի միջև։
