12.01.2025 | 13:35
Ոչ պարտադրվածն է խաղաղություն, ոչ մուրացածը․ Փաշինյան
Եվրոպայի օրվան նվիրված միջոցառումների շրջանակներում՝ դասական երաժշտության համերգ
Մշակույթ
20.05.2019 | 21:46
Հայաստանում Եվրոպական միության պատվիրակությունը և Հայաստանի պետական սիմֆոնիկ նվագախումբը կազմակերպում են դասական երաժշտության համերգ՝ Եվրոպայի օրվան նվիրված միջոցառումների շրջանակներում։ Համերգը տեղի կունենա մայիսի 21-ին՝ ժամը 19.00, Արամ Խաչատրյան համերգասրահում:
1950թ. մայիսի 9-ին կատարվեց առաջին քայլը Եվրոպական միության ստեղծման ուղղությամբ: Այդ օրը Փարիզում Ֆրանսիայի արտաքին գործերի նախարար Ռոբերտ Շումանը միջազգային մամուլին դիմեց հռչակագրով, ուր կոչ էր անում Ֆրանսիային, Գերմանիային և եվրոպական այլ երկրներին միավորել իրենց ածխի ու պողպատի արտադրությունը՝ որպես «եվրոպական դաշնության առաջին կոնկրետ հիմք»: Նա առաջարկում էր ստեղծել վերազգային եվրոպական կառույց, որը կտնօրիներ այն ժամանակ ռազմական ուժի հիմքը հանդիսացող ածխի ու պողպատի արտադրությունը:
1985 թվականին Միլանում կայացած ԵՄ առաջնորդների գագաթաժողովում որոշում ընդունվեց մայիսի 9-ը նշել որպես Եվրոպայի օր: Յուրաքանչյուր երկիր, որը ժողովրդավարական կարգով որոշում է անդամակցել Եվրոպական միությանը, հաստատում է խաղաղության և համերաշխության հիմնարար արժեքներին իր հավատարմությունը:
