18.10.2026 | 16:10
Որակյալ կերերից մինչև մաքրացեղ խոզեր․ «Օջախ Ագրո»-ի առաջարկները․ ՏԵՍԱՆՅՈւԹ
ՀԱՊԿ Խորհրդարանական վեհաժողովի 12-րդ նիստը կանցկացվի Երևանում
Քաղաքականություն
20.05.2019 | 12:04
Հավաքական անվտանգության պայմանագրի կազմակերպության (ՀԱՊԿ) Խորհրդարանական վեհաժողովի հերթական նիստը կանցկացվի 2019 թվականի աշնանը Երևանում: Վեհաժողովի խորհուրդը սատարել է համապատասխան առաջարկը. գրում է ՏԱՍՍ-ը:
«Ուզում եմ առաջարկել ՀԱՊԿ Խորհրդարանական վեհաժողովի 12-րդ լիագումար նիստն ու Խորհրդի հերթական նիստն անցկացնել այս տարվա աշնանը Հայաստանում: Եթե առարկություններ չկան, որոշումն ընդունենք»,- Բիշքեկում Խորհրդի նիստի ժամանակ ասել է ՌԴ Պետդումայի խոսնակ, ՀԱՊԿ ԽՎ նախագահ Վյաչեսլավ Վոլոդինը:
Առաջարկն ընդունվել է միաձայն: ԽՎ լիագումար նիստի հստակ ժամկետը կհայտարարվի ավելի ուշ: Հայտնի է միայն, որ խոսքը հոկտեմբերի-նոյեմբերի մասին է:
