02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Նիկոլ Փաշինյանը վաղվա ակցիաներին չի մասնակցի. դրանց կհետևի «օնլայն» ռեժիմով
19.05.2019 | 23:51
Վարչապետ Նիկոլ Փաշինյանը իր իսկ նախաձեռնած վաղվա ակցիաներին չի մասնակցի, դրանց կհետևի իր աշխատասենյակից:
«Մեր վերջնական նպատակը պետք է լինի իրոք անկախ դատական համակարգ ունենալը: Ես հավատում եմ դրան, ես հավատում եմ մեր հեղափոխության իդեալներին: Այսօրվա իրավիճակի պատճառներից մեկը գիտե՞ք որն է, որ ես առաջին իսկ օրից ասել եմ, որ Ինձ խամաճիկային դատարան պետք չէ, մեր Կառավարությանը, մեր իշխանությանը, ժողովրդին խամաճիկային դատարան պետք չի»,- հայտարարեց Փաշինյանը։
Նա տեղեկացրեց, որ վաղը մի շարք բարձրաստիճան պաշտոնյաներին հրավիրել է Կառավարություն՝ խորհրդակցության, իսկ կեսօրին՝ ժամը 12:00-ին, հանդես կգա հայտարարությամբ: Դրանից հետո վարչապետը պատրաստվում է հայտարարել հետագա անելիքների մասին: Վարչապետը նշեց նաև, որ առավոտյան կգնա աշխատանքի և կհետևի, որպեսզի հանրապետությունում ամեն ինչ նորմալ լինի, կարգին լինի. «Համոզված եմ, որ այդպես կլինի, բայց շատ ավելի ճիշտ է հետևել օնլայն ռեժիմով: Վաղը մեզ բոլորիս լավ, արդյունավետ, հաղթական և բարի օր եմ մաղթում»:
