16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
«Հենց Ռուսաստանը պատրաստ լինի S-400-ները մատակարարել, մենք կվերցնենք դրանք».Չավուշօղլու
Քաղաքականություն
19.05.2019 | 15:06
Թուրքիայի արտգործնախարար Մևլութ Չավուշօղլուն Ֆինլանդիա կատարած այցի ժամանակ կրկին անդրադարձել է ռուսական S-400 ՀՕՊ համակարգերի գնման հարցին. գրում է ermenihaber-ը:
«Հենց Ռուսաստանը պատրաստ լինի S-400-ները մատակարարել, մենք դրանք կվերցնենք», ասել է Չավուշօղլուն։
Իսկ ԱՄՆ-ի ռազմաօդային ուժերի գլխավոր քարտուղար Հիթեր Վիլսոնը, նախօրեին, նկատի ունենալով Թուրքիային, խիստ զգուշացում է արել. «Այն երկիրը, որն ունի S-400 ՀՕՊ համակարգեր, չեմ կարծում, որ կկարողանա գնել ամերիկյան նոր սերնդի F-35 կործանիչներ»։
Ինչպես հայտնի է, ռուս-թուրքական այդ գործարքի ընդդիմանում է Վաշինգտոնը, որը բազմիցսս Անկարային զգուաշցրել է, թե ինչ ծանր հետևանքներ կլինեն, եթե թուրքերը գնեն ռուսական ՀՕՊ համակարգերը:
Ամերիկյանը կողմն ավելի վաղ հայտարարել էր, որ եթե ռուսական համակարգերը մատակարարվեն Թուրքիային, ապա F-35-ների մատակարարումը դադարեցվելու է:
