02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Ալիևը Հայաստանին «ճնշելու» հարցում մահմեդական երկրների օգնությանն է ապավինում
Քաղաքականություն
17.05.2019 | 17:46
Ադրբեջանի նախագահ Իլհամ Ալիևը մահմեդական երկրների դեսպանների հետ հանդիպմանը հայտարարել է, որ միջազգային հանրությունը պետք է ճնշում գործադրի Հայաստանի վրա՝ «ղարաբաղյան հակամարտությունը կարգավորելու և ադրբեջանական օկուպացված տարածքներն ազատագրելու համար»:
Այս մասին գրում են ադրբեջանական լրատվամիջոցները:
«Ամբողջ աշխարհը Լեռնային Ղարաբաղն ու դրա շուրջ գտնվող յոթ օկուպացված շրջաններն ադրբեջանական տարածք են: Սակայն օկուպանտ Հայաստանի վրա հավուր պատշաճի ճնշում չի գործադրվում՝ դրանք ազատագրելու համար: Հակամարտությունը կարող է կարգավորվել միայն Ադրբեջանի տարածքային ամբողջականության շրջանակում»,- ասել է Ալիևը: Ալիևը նաև ընդգծել է մահմեդական աշխարհի երկրների հետ Ադրբեջանի հարաբերությունների հաջող զարգացման մասին: «Հարաբերությունները հաջողությամբ զարգանում են ինչպես երկկողմ ձևաչափով, այնպես էլ միջազգային կազմակերպությունների մակարդակով: Ղարաբաղյան հակամարտության հարցում Ադրբեջանին մահմեդական երկրների աջակցությունը մեծ նշանակություն ունի մեզ համար»,- հայտարարել է Ալիևը:
