06.08.2026 | 17:06
Ռուսաստանի հավաքականի նախկին ֆուտբոլիստը որակազրկվել է դոպինգի համար
ԱՄՆ-ի հրթիռակիր ռազմանավերը Պարսից ծոց են մտել
Քաղաքականություն
17.05.2019 | 16:29
Ամերիկյան Ռազմածովային ուժերի (ՌԾՈՒ) երկու հրթիռակիր ռազմանավերն անցել են Հորմուզի նեղուցն ու մտել Պարսից ծոց: Այս մասին գրում է ՏԱՍՍ-ը՝ վկայակոչելով ԱՄՆ Ռազմածովային ինստիտուտի կայքը:
Աղբյուրի տվյալներով՝ McFaul և Gonzalez ռազմանավերը Հորմուզի նեղուցն անցել են հինգշաբթի:
Իրանի Իսլամական հեղափոխության պահապանների կորպուսի ՌԾՈՒ-ի հրամանատար Ալիռեզա Թանգսիրին ավելի վաղ հայտարարել էր, որ Իրանը նավթի արտահանման համար կփակի Հորմուզի նեղուցը, եթե զրկվի այն օգտագործելու հնարավորությունից:
Դրանից հետո ԱՄՆ-ն Իրանին կոչ էր արել ապահովել Հորմուզի և Բաբ էլ Մանդեբի նեղուցներով նավագնացության և էներգառեսուրսների փոխադրման ազատությունը:
Նշենք, որ Հորմուզի նեղուցով է անցնում Պարսից ծոցի երկրների նավթային փոխադրումների մեծ մասը:
