02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
Վարչապետն այդ թվացյալ վտանգին է անդրադարձել. Ռուբինյանը՝ ՀՀ-ի և Արցախի պաշտոնյաների միջև առկա լարվածության մասին. ՏԵՍԱՆՅՈՒԹ
Քաղաքականություն
17.05.2019 | 13:11
Չեմ կարծում, որ որևէ բան կարող է վնասել Հայաստանի և Արցախի ժողովուրդների եղբայրությանը: ՀՀ Ազգային ժողովում լրագրողների հետ զրույցում այս մասին ասաց արտաքին հարաբերությունների խորհրդարանական հանձնաժողովի նախագահ Ռուբեն Ռուբինյանը՝ պատասխանելով հարցին, արդյո՞ք Արցախի ներկա և նախկին նախագահների կողմից Ռոբերտ Քոչարյանի խափանման միջոցը փոխելու վերաբերյալ երաշխավորությունը և երեկ գործով դատական նիստին ներկայությունը կարող է ինչ-որ կերպ վնասել երկու երկրների հարաբերություններին:
Անդրադառնալով արցախյան այցից հետո վարչապետ Նիկոլ Փաշինյանի գրառմանը, որ եթե «ինչ-որ ուժեր փորձեն Արցախը վերածել հակահեղափոխության օջախի, Արցախի ժողովուրդն այն կդարձնել հեղափոխության օջախի»՝ Ռուբեն Ռուբինյանն ասաց. «Ես համաձայն եմ այդ պնդման հետ: Մամուլում պարբերաբար գրում են ինչ-որ լարվածության մասին, և վարչապետը հենց այս համատեքստում, հաշվի առնելով այդ խոսակցությունները, անդրադարձել է այդ թվացյալ վտանգին և, ըստ էության, ասել, որ այդպիսի վտանգ չկա և չի կարող լինել այն պարզ պատճառով, որ Արցախի ժողովուրդը հայ ժողովրդի մի մասն է, և երբեք թույլ չի տա, որ ինչ-որ լարում ստեղծվի»:
Մանրամասները՝ տեսանյութում:
Շողիկ Գալստյան
