12.01.2025 | 13:20
Երկրաշարժ՝ Վրաստանում
Կոտայքի մարզպետի եղբայրը ներկայացել է ոստիկանություն. մանրամասներ՝ տեղի ունեցած միջադեպից
Քաղաքականություն
16.05.2019 | 22:35
Այսօր Կոտայքի մարզում անհայտ քաղաքացին կանգնեցրել է իմ եղբորը՝ Ռուբեն Պետրոսյանին, դիմել ակնհայտ սադրանքի, որից հետո տեղի է ունեցել միջադեպ՝ եղբորս ճանապարհին հայտնված երիտասարդի հրահրումով:
Այս մասին Factor.am-ի հետ զրույցում ասաց Կոտայքի մարզպետ Ռոմանոս Պետրոսյանն՝ անդրադառնալով մամուլի այն հրապարակմանը, թե իր եղբայրը ծեծի է ենթարկել Կ. Հովհաննիսյան անունով մի քաղաքացու:
«Եղբայրս երթևեկելիս է եղել, նրան կանգնեցրել է անծանոթ մի երիտասարդ, դիմել ակնհայտ սադրանքի, որից հետո տեղի է ունեցել միջադեպ: Այս պահին եղբայրս ինքնակամ ներկայացել է ոստիկանություն, տվել բացատրություն, նշանակվել է դատաբժշկական փորձաքննություն»,-ասաց Պետրոսյանը:
Վերջինս նշեց, որ չի բացառում, որ կատարվածը լինի քաղաքական սադրանք՝ Աբովյանում սպասվող ընտրություններին ընդառաջ:
«Ամեն կերպ սադրում են ու չեմ բացառում, որ նման դեպք կրկին լինի և՛ իմ, և՛ ընտանիքիս անդամների հետ»,-ասաց Պետրոսյանը:
Աղավնի Սուքիասյան
