06.08.2026 | 20:10
Picsart-ի հիմնադիր Հովհաննես Ավոյանը պարգևատրվել է «Հայրենիքին մատուցած ծառայությունների համար» 2-րդ աստիճանի շքանշանով
Կան հարցեր, երբ մի խումբ մարդիկ են իրար հետ համակարծիք լինում. Ավինյանը՝ թևերի բաժանված լինելու մասին. ՏԵՍԱՆՅՈՒԹ
Քաղաքականություն
16.05.2019 | 15:10
Փոխվարչապետ Տիգրան Ավինյանը Կառավարության նիստից հետո լրագրողների հետ զրույցում անդրադարձավ մամուլի այն հրապարակումներին, որ Կառավարությունում թևերին են բաժանվել: Ասաց, որ այդ տեղեկություններն իրականությանը չեն համապատասխանում:
«Մամուլը լուրեր է տարածում, որոնք շատ թրենդային սերիալներից հետաքրքիր են, մեծ ինտրիգներ են պարունակում: Իրականությունը մի փոքր այլ է: Ես կարծում եմ, որ Կառավարությունը գործում է որպես մեկ թիմ: Լինում են հարցեր, որ մի խումբ մարդիկ են իրար հետ համակարծիք լինում, այլ հարցերի շուրջ՝ այլ, բայց հստակ խմբավորումներ չկան»,- ասաց նա:
Այսօր ՀՀ նախագահը ստորագրել է ԱԺ-ի կողմից ընդունված Կառավարության կառուցվածքի մասին փոփոխությունների նախագիծը: Factor.am-ը Տիգրան Ավինյանից հետաքրքրվեց, թե, ի վերջո, երբ պարզ կլինի՝ քանի՞ աշխատակից է կրճատվում նախարարությունների միավորումից:
«Քաղծառայության ռեֆորմն իրենից ենթադրելու է մի քանի փուլ: Դժվարանում եմ պատասխանել, թե քանի փոխնախարար կլինի յուրաքանչյուր նախարարությունում: Դա գործառույթներից է որոշվելու»,- ասաց փոխվարչապետը:
Մանրամասները՝ տեսանյութում:
Նարեկ Կիրակոսյան
