08.10.2026 | 19:13
ԱՄՆ-ը «երբեք թույլ չէր տա» Հունաստան-Թուրքիա հակամարտություն․ Ռուբիոն նշել է F-35-ների Անկարային փոխանցման պայմանը
Նախկինում պաշտոնյայի հարևան լինելու համար բնակարանները թանկ էին վաճառվում. Կադաստրի պետ. ՏԵՍԱՆՅՈՒԹ
16.05.2019 | 13:40
Անշարժ գույքի կադաստրի կոմիտեի ղեկավար Սարհատ Պետրոսյանն այսօր լրագրողների հետ ճեպազրույցում ներկայացրեց երեք պատճառ, թե ինչու է բնակարանների գների թանկացում նկատվում:
«Առաջին և ամենաշոշափելի պատճառը նախորդ տարվա քաղաքական փոփոխություններն են, որոնք հանրության ու բիզնեսի շրջանում սպասումներ են առաջացրել, որոնք էլ ազդել են պահանջարկի վրա»,- ասաց Պետրոսյանը:
Երկրորդ պատճառը, ըստ նրա, հիփոթեքի շուկայի ակտիվացումն է: Պետրոսյանը նկատեց՝ այսօր միջինում 6.5 նվազագույն տոկոսադրույքով հիփոթեքային վարկեր են գործում, որոնք անհամեմատելի են նախորդ տարվա տվյալների հետ:
«Երրորդը՝ Երևանում կոռուպցիոն սխեմաների վերացման արդյունքում շատ ավելի հեշտ է շինարարական գործունեություն ծավալել: Շատ կառուցապատողներ, որոնք նախկինում խնդիրներ ունեին թույլտվությունների համար, հիմա այդ ամեն ինչը հեշտ է, և նոր խաղացողներ են ի հայտ գալիս»,- ասաց Պետրոսյանը:
Ըստ պաշտոնյայի՝ եթե նախկինում գների համար եղել են անհիմն պատճառներ, ապա հիմա դրանք վերացրել են. «Այն ժամանակ մենք ունեինք շենքեր, որտեղ այսինչ կամ այնինչ պաշտոնյայի հարևանը լինելու համար կարող էին բնակարանները թանկ լինել, հիմա դրանք գրեթե բացառված են»,- հավելեց նա:
Մանրամասները՝ տեսանյութում:
Նարեկ Կիրակոսյան
