16.01.2026 | 20:45
Եպիսկոպոսը դատի է տվել Մայր Աթոռին, կաթողիկոսը՝ սառեցրել թեմի հաշիվները. ՏԵՍԱՆՅՈՒԹ
Շփման գծում բռնությունների կրճատում և այլ դրական ազդակներ կան. ԱՄՆ դեսպանը՝ ԼՂ հակամարտության կարգավորման գործընթացի մասին
15.05.2019 | 18:44
Հայաստանում ԱՄՆ դեսպան Լին Թրեյսին ԵԱՀԿ Մինսկի խմբի գործընթացն առավել քան ոգևորիչ է համարում: «ՀՀ վարչապետ Փաշինյանի և Ադրբեջանի նախագահ Ալիևի միջև հանդիպումները բարձր մակարդակի են: Արդյունքում մենք նկատում ենք շփման գծում բռնությունների կրճատում և այլ դրական ազդակներ»,- այսօր լրագրողների հետ զրույցում ասաց Լին Թրեյսին:
Նրա խոսքով՝ հեշտ լուծումներ չկան, սակայն վերջին ամիսների դեպքերն ինձ թույլ են տալիս հավատալ, որ առաջընթացը հնարավոր է: «Կողմերի միջև բարձր մակարդակի հանդիպումները, լարվածության կրճատումը, հետագա քայլերի վերաբերյալ համաձայնությունը և երկխոսությունը շարունակելու հանձնառությունը ցույց են տալիս, որ առաջընթացը հնարավորի տիրույթում է: Եվ Հայաստանում ես լսում եմ, որ նրանք պատրաստ է առաջընթացի»,- հավելեց ամերիկացի դիվանագետը:
