08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Չեմ կարծում, որ 0038 հրամանը Ռոբերտ Քոչարյանի նախաձեռնությունն էր. Արցախի ԱԺ պատգամավոր. ՏԵՍԱՆՅՈՒԹ
Քաղաքականություն
15.05.2019 | 13:33
Արցախի ԱԺ «Հայրենիք» խմբակցության ղեկավար Արթուր Թովմասյանը Factor.am-ի հարցին ի պատասխան ասաց՝ Հայաստանի երկրորդ նախագահ Ռոբերտ Քոչարյանի գործով դատավարության ընթացքը ցույց կտա՝ նրա նկատմամբ քաղաքական հետապնդում իրականացվո՞ւմ է, թե՝ ոչ։
Հիշեցնենք՝ մայիսի 13-ին մեկնարկեց Մարտի 1-ի գործով մեղադրյալ Ռոբերտ Քոչարյանի դատավարությունը։ Ռոբերտ Քոչարյանը չի ընդունում իրեն առաջադրված մեղադրանքը՝ պնդելով, որ իր նկատմամբ քաղաքական հետապնդում է իրականացվում։
«Համենայնդեպս Քոչարյանի կողմնակիցները պնդում են, որ նրա նկատմամբ քաղաքական հետապնդում է իրականացվում, իսկ իշխանության կողմից այն է գնահատականը, որ դա սահմանադրական կարգի տապալման համար է»,- ասաց Արթուր Թովմասյանը։
Մեր հստակեցնող հարցին՝ կիսո՞ւմ է Քոչարյանի աջակիցների գնահատականը, Թովմասյանն արձագանքեց․ «Ես կուզեի տեսնել Ռոբերտ Քոչարյանին, զրուցել նրա հետ։ Ինքը հզոր մարդ է, իրականում Արցախի հերոս է»։
Մանրամասները՝ տեսանյութում։
