02.07.2026 | 06:06
ԱԱ-2026. ԱՄՆ-ի հավաքականը շարժվում է առաջ. ՏԵՍԱՆՅՈՒԹ
Հրդեհ Փարաքար գյուղում. «ԲԻՍ-1» կանչով դեպքի վայր է մեկնել չորս մարտական հաշվարկ
13.05.2019 | 22:43
Մայիսի 13-ին, ժամը 19:06-ին «911» ծառայությանն ահազանգ է ստացվել, որ Արմավիրի մարզի Փարաքար գյուղի Կոմիտասի փողոցում՝ լաքերի արտադրամասում, հրդեհ է բռնկվել:
Հրդեհի բարդության «ԲԻՍ-1» կանչով դեպքի վայր է մեկնել ԱԻՆ ՓԾ հրշեջ-փրկարարական ջոկատից չորս մարտական հաշվարկ և Ճգնաժամային կառավարման ազգային կենտրոնի արտակարգ իրավիճակների արձագանքման խումբը:
Պարզվել է, որ հրդեհը բռնկվել է Կոմիտասի 1-ին փողոցի 3-րդ նրբանցքում գտնվող ներկերի և լաքերի արտադրամասում (մոտ 700 քմ)։
Հրդեհը մեկուսացվել է ժամը 19:38-ին, մարվել՝ 19:58-ին:
Ամբողջությամբ այրվել են արտադրամասը՝ սարքավորումներով (45 քմ), մասամբ՝ վակուումի սարքավորման արտադրամասը (55 քմ) և կախովի առաստաղ (մոտ 80 քմ)։
Հրդեհի հետևանքով տուժածներ չկան:
