19.05.2024 | 23:02
Գերմանիան և Ֆրանսիան «անհանգստացած են» Վրաստանում ստեղծված իրավիճակով
ԵնթաԴՐՈՒԹՅՈՒՆ. ՀՀ-ի և Արցախի որոշ պաշտոնյաների միջև լարվածության խորացումն ի՞նչ հետևանք կունենա. ՏԵՍԱՆՅՈՒԹ
Քաղաքականություն
13.05.2019 | 19:00
Օրերս Արցախի անվտանգության խորհրդի քարտուղար Վիտալի Բալասանյանը, անդրադառնալով Ռոբերտ Քոչարյանի խափանման միջոցը փոխելու վերաբերյալ Բակո Սահակյանի և Արկադի Ղուկասյանի դիմումին, ասել էր, որ Հայաստանի իշխանությունները պետք է հարգեին երկրորդ նախագահի խափանման միջոցը փոխելու Արցախի նախկին և ներկա նախագահների դիմումը և րոպե առաջ որոշում կայացնեին:
Նրա այս հայտարարությանն արձագանքել էր ՀՀ վարչապետի մամուլի քարտուղար Վլադիմիր Կարապետյանը՝ նախ նշելով, որ Բալասանյանը պետք է զսպվածություն ցուցաբերի, ապա հիշեցրել՝ երբ Քոչարյանը կատարյալ ազատության մեջ էր, հաղթանակի շքերթներում չի նկատվել։
Բացի այդ, մեկնաբանություններ հնչեցին, որ դա միջամտություն է Հայաստանի ներքին գործերին: Ուշագրավ գրառում կատարեց վարչապետ Նիկոլ Փաշինյանը՝ նշելով. «Եթե ոմանք փորձեն Արցախը դարձնել հակահեղափոխության օջախ, Արցախի ժողովուրդն այն կդարձնի հեղափոխության օջախ»:
Այսպիսով՝ Հայաստանի և Արցախի իշխանությունների գոնե որոշ հատվածների միջև տարակարծությունները հետզհետե տեսանելի են դառնում:
Հիշեցնենք՝ Արցախի և Հայաստանի բարձրաստիճան պաշտոնյաների միջև որոշակի լարվածություն առաջացավ նաև խորհրդարանական ընտրությունների քարոզարշավի ընթացքում, երբ բանը հասավ նրան, որ Փաշինյանը կոչով դիմեց Բակո Սահակյանին՝ հորդորելով կարգի հրավիրել իր կառավարության անդամներին:
Եթե Արցախի և Հայաստանի բարձրաստիճան պաշտոնյաների միջև հակասությունները խորանան, ապա ի՞նչ հետևանք դա կունենա: Թեմայի շուրջ Factor.am-ը զրուցել է ԱԺ «Լուսավոր Հայաստան» խմբակցության քարտուղար Գևորգ Գորգիսյանի, ԱԺ «Իմ քայլը» խմբակցության պատգամավորներ՝ Արմեն Փամբուխչյանի, Արփինե Դավոյանի, Վիկտոր Ենգիբարյանի և Շիրակ Թորոսյանի հետ:
Մանրամասները՝ տեսանյութում:
