02.07.2026 | 09:06
ԱԺ տարածքային կառավարման, գյուղատնտեսության և ՇՄ պահպանության հարցերի հանձնաժողովի նիստը. ՈՒՂԻՂ
Հայկ Մարությանի խոստումը կատարվել է. փոխքաղաքապետը՝ վեց ամսում աղբահանության խնդիրը լուծելու մասին. ՏԵՍԱՆՅՈՒԹ
Տեսանյութեր
13.05.2019 | 15:05
«Իմ քայլը» դաշինքի քաղաքապետի թեկնածու Հայկ Մարությանը նախընտրական քարոզարշավին խոստանում էր, ընտրվելու դեպքում, առաջիկա 6 ամիսներին առնվազն լուծել մայրաքաղաքի աղբահանության խնդիրը: Հայկ Մարությանի՝ քաղաքապետ ընտրվելուց արդեն անցել է ճիշտ վեց ամիս, բայց Երևանի փողոցների մեծ մասում աղբ է կուտակված:
Այսօր տեղի ունեցած ասուլիսում Երևանի քաղաքապետի տեղակալ Հայկ Սարգսյանից Factor.am-ը հետաքրքրվեց՝ արդյո՞ք քաղաքային իշխանությունն աշխատում է նախընտրական շրջանում տրված խոստումների հիման վրա, և եթե այո, ապա ինչո՞ւ խոստացված ժամանակահատվածում աղբի խնդիրը չի լուծվել:
«Քաղաքի հոգսերը ստանձնելիս աղբահանության խնդիրները գահավիժման եզրին էին: Այն աշխատանքներն ու ծավալը, որոնք իրականացվել են, եթե չիրականացվեին, ապա վիճակն ավելի ծանր կլիներ: Մենք ճգնաժամային կառավարում ենք իրականացրել»,- ասաց նա:
Դիտարկմանը, որ աղբը փողոցներով պարզապես հոսում է, փոխքաղաքապետն արձագանքեց, որ առկա իրավիճակից ավելի սոսկալի վիճակել է եղել:
Factor.am-ի հստակեցնող հարցին՝ այսինքն վեց՝ ամսում աղբահանության խնդիրը լուծելու խոստումը կատարվե՞լ է, փոխքաղաքապետը պատասխանեց. «Այո՛, կատարվել է»:
Մանրամասները՝ տեսանյութում:
Նարեկ Կիրակոսյան
