Կգա մի օր՝ Վազգեն Սարգսյանի վերջին գրառումները Մեղրիի վերաբերյալ հասանելի կլինեն․ Անդրանիկ Քոչարյան. ՏԵՍԱՆՅՈՒԹ

Մեղրիի փոխանակման հետ կապված բանակցությունների մասին հանդես է եկել այնպիսի պաշտոնյա, որ պետք է կասկածի տակ չդնի նրա ասածները, դա ՊՆ նախկին նախարար Վաղարշակ Հարությունյանն է: Ինչքանով են Վազգեն Սարգսյանը և Կարեն Դեմիրճյանը եղել տեղեկացված այդ գործընթացից, արդեն դրա մասին շատ հրապարակումներ են եղել: Կարծում եմ՝ կգա մի օր, որ Վազգեն Սարգսյանի վերջին գրառումները՝ Մեղրիի հետ կապված, հասանելի կլինեն: Այսօր խորհրդարանական ճեպազրույցների ընթացքում այս մասին ասաց ԱԺ պաշտպանության և անվտանգության հարցերի հանձնաժողովի նախագահ Անդրանիկ Քոչարյանը՝ անդրադառնալով պաշտպանության նախկին նախարար Վաղարշակ Հարությունյանի՝ Մեղրիի փոխանակման մասին հայտարարությանը։

«Ընդհանրապես, եթե Մեղրին դարձել է քննարկման թեմա Ռոբերտ Քոչարյանի կողմից, դա արդեն… նույնիսկ այն ժամանակ այդ թեմային անդրադառնալը լիներ Գոբլի ծրագիր, թե այլ, անթույլատրելի էր, որովհետև դա վերաբերում է ՀՀ սահմանին, որը մեր անվտանգության համակարգի մեջ ընդհանրապես քննարկմա թեմա չէր կարող լիներ: Բայց որ քննարկվել է, Վաղարշակ Հարությունյանը ֆիքսում է դա, նաև փաստեր է ներկայացնում: Սամվել Բաբայանը որ ասում է, թե ինքը պետք է տեղեկացված լիներ, ես չեմ կարող ցիտել Սամվել Բաբայանին, թե ինչքանով էր ինքը տեղեկացված կամ ոչ, ես ցիտում եմ ՀՀ պաշտպանության նախարարին, որը մասնակից է եղել այդ բանակցություններին»,- այսօր Քոչարյանը:

Լրագրողները նաև հետաքրքրվեցին՝ Հոկտեմբերի 27-ի գործի վերաբացման համար նախապայմաններ տեսնո՞ւմ է, ինչին Անդրանիկ Քոչարյանը պատասխանեց. «Հոկտեմբերի 27-ի վերաբացման համար ծանրակշիռ նոր հանգամանքների ի հայտ գալու դեպքում ՀՀ-ն չի կարող անտեսել այդ գործընթացը: Դրա համար գործը կասեցված է, հենց նոր հանգամանք լինի, կվերաբացվի: Եվ եթե դա կապված լինի Մեղրիի տարբերակի, կամ մեկ այլ հանգամանքի հետ, բնակաբաբար, պետությունը հետամուտ կլինի այդ գործընթացները պատշաճ, իր իրավական ձևաչափով առաջ գնալու հարցում:

Մանրամասները՝ տեսանյութում:

Շողիկ Գալստյան