18.09.2026 | 10:52
Երթևեկության կազմակերպման փոփոխություն՝ Երևանյան և Իսահակ Գասպարյան փողոցների (օդանավակայանի) խաչմերուկում
Արցախի և Հայաստանի հակադրումը հղի է վտանգավոր հետևանքներով. Գորգիսյան. ՏԵՍԱՆՅՈՒԹ
Քաղաքականություն
13.05.2019 | 12:06
Արցախի և Հայաստանի հակադրումը հղի է շատ լուրջ հետևանքներով: Այսօր տեղի ունեցած խորհրդարանական ճեպազրույցների ընթացքում այս մասին ասաց ԱԺ «Լուսավոր Հայաստան» խմբակցության պատգամավոր Գևորգ Գորգիսյանը՝ մեկնաբանելով վարչապետ Նիկոլ Փաշինյանի ֆեյսբուքյան գրառումը, որ «եթե ոմանք փորձեն Արցախը դարձնել հակահեղափոխության օջախ, Արցախի ժողովուրդն այն կդարձնի հեղափոխության օջախ»:
«Շատ վտանգավոր տենդենց է: Եվ սա պետք է գիտակցի և՛ Հայաստանի, և՛ Արցախի ղեկավարությունը»,- հավելեց Գորգիսյանը:
Նրա խոսքով՝ հարկավոր է պահպանել քաղաքական խաղի կանոնները, միմյանց նկատմամբ հարգանքը. «Որովհետև մենք ունենք մի նպատակ, և այդ նպատակին հասնելու քաղաքականության մեջ անձնական հարցերը չեն կարող դեր խաղալ: Առավել ևս՝ Արցախն ու Հայաստանը հակադրվեն միմյանց՝ անկախ նրանից՝ որտեղ ով լինի իշխանության»:
Մանրամասները՝ տեսանյութում:
Շողիկ Գալստյան
