11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Մենք չպետք է փող բաժանենք, հիմա բաժանում ենք, դժբախտաբար․ Արսեն Թորոսյան. ՏԵՍԱՆՅՈՒԹ
Տեսանյութեր
13.05.2019 | 11:32
«Ես չեմ բացառում, որ Առողջապահության նախարարությունում կա կառուպցիա, սակայն դա բնութագրում եմ հետևյալ կերպ․ եթե խոսում ենք բուժհաստատությունների ապօրինի եկամուտների մասին, ապա ես դա համարում եմ ոչ թե կոռուպցիա, այլ ապօրինի եկամուտ, իսկ եթե խոսում ենք պետական ապարատում կոռուպցիայի մասին, ապա մենք անում ենք ամեն ինչ, որ դա չլինի»,- այս մասին այսօր իր 100-օրյա գործունեության ամփոփիչ ասուլիսի ժամանակ ասաց առողջապահության նախարար Արսեն Թորոսյանը՝ անդրադառնալով հարցին՝ արդյոք իր ենթակայության տակ գտնվող ոլորտից կոռուպցիան բացառելը ստացվել է։
«Մենք չպետք է փող բաժանենք, հիմա բաժանում ենք, դժբախտաբար։ Ապահովագրության ներդրման շնորհիվ, երբ կլինի հետվճարային համակարգ, մարդու գործոնը մաքսիմալ նվազ կլինի, հետևաբար ռիսկերն էլ նվազ կլինեն։ Հիմա կոռուպցիայի դեմ պայքարում ենք երկու ուղղությամբ՝ կանխարգելում և համակարգերի ներդրման միջոցով պատժում»,- ասաց նախարարը՝ նշելով, որ կոռուպցիայի դեմ պայքարի կանխարգելմանն էր միտված, որ 2019 թվականին պետպատվերի հիմքում դրվեց համահարթեցման սկզբունքը։
Ըստ նախարարի՝ այդ համահարթեցումը որոշ ԲԿ-ներում առաջացրեց դժգոհություններ, սակայն այդ համահարթեցմամբ իրենք կարողացել են կանխել անհիմն պետպատվերի համար շատ գումար ստանալու դեպքերը։
«Օրինակ՝ նույն «Գրիգոր Լուսավորիչ» ԲԿ-ն անհիմն շատ փող էր ստացել, դրա համար էլ դժգոհ էր այդ համահարթեցման սկզբունքից»,- ասաց Թորոսյանը։
Մանրամասները՝ տեսանյութում։
Ռոբերտ Անանյան
