02.07.2026 | 10:00
Արտարժույթների փոխարժեքները՝ հուլիսի 2-ի դրությամբ
Գործադիրը մաքսային արտոնություն տրամադրեց կաթիլային ոռոգման համակարգերի արտադրության համար ապրանքներ ներմուծող ընկերությանը
Տնտեսություն
10.05.2019 | 18:16
ՀՀ կառավարությունը մաքսային արտոնություն տրամադրեց կաթիլային ոռոգման համակարգերի արտադրության նպատակով ապրանքներ ներմուծող «Նյուպլաստ» փակ բաժնետիրական ընկերությանը:
Կառավարության մայիսի 10-ի նիստում հարցը քննարկման ներկայացրեց Տնտեսական զարգացման և ներդրումների նախարար Տիգրան Խաչատրյանը:
«Կազմակերպությունը ներմուծում է ապրանքներ` կաթիլային ոռոգման համակարգերի արտադրության նպատակով: Արտադրությունն իրականացվում է Երևան քաղաքում: Կազմակերպությունը գործում է 2016թ., արդեն իսկ իրականացրել է 3 մլրդ դրամի կապիտալ բնույթի ներդրումներ, նախատեսում է ծրագրի շրջանակներում իրականացնել ևս 245 մլն դրամի ներդրում` սարքավորումների և հումքի ձեռքբերման համար: Ծրագրով նախատեսված արտադրանքի ընդհանուր ծավալը կկազմի 2 մլրդ ՀՀ դրամ, որն ամբողջությամբ կիրացվի ՀՀ տարածքում»,- ասաց նախարարը:
Կազմակերպությունում ներկայումս առկա է 58 աշխատատեղ, ծրագրով նախատեսում է աշխատանքով ապահովել ևս 25 նոր մարդու` 200,000 ՀՀ դրամ միջին աշխատավարձով:
