29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ՊԵԿ-ի գործողություններում քաղաքական ենթատեքստ չկա. Դավիթ Անանյան. ՏԵՍԱՆՅՈՒԹ
Քաղաքականություն
10.05.2019 | 15:07
Բազմաթիվ անգամներ ասել ենք, որ Թուրքիայի ավտոբուսներով ֆիզիկական անձին ուղեկցող բեռի անվան տակ իրականում գալիս են ակնհայտորեն ձեռնարկատիրական նշանակության ապրանքներ: Մայիսի 10-ին Կառավարության նիստից հետո լրագրողների հետ ճեպազրույցում ասաց ՊԵԿ նախագահ Դավիթ Անանյանը՝ պատասխանելով հարցին, թե ինչո՞ւ հայ-վրացական սահմանի Բագրատաշենի անցակետում Թուրքիայից ժամանած ավտոբուսին արգելել են հատել սահմանը:
«Խնդիրն այն է եղել, որ մենք հերթական անգամ փորձել ենք կանխել դա: Փոխադարձ փոխգործակցության շրջանակում խնդիրը կարգավորվել է»,- հավելեց Դավիթ Անանյանը:
Նա նաև տեղեկացրեց, որ իրացված գազի իրական ծավալների խախտումների փաստով հարուցված քրեական գործի շրջանակում ՊԵԿ-ը հարկային ստուգումներ է իրականացրել գազալցակայաններում, 33 ընկերության նկատմամբ 22 մլրդ դրամի լրացուցիչ հարկային պարտավորություն է սահմանվել:
«Գազալցակայաններում արձանագրվել են իրացված գազի իրական ծավալների խախտումներ: Ստուգումներն ավարտվել են, դատական կարգով բողոքարկումներ էլ կան: Ես ձեռնպահ կմնամ որևէ մեկնաբանություն անելուց, քանի որ նաև քննչական գաղտնիքի հետ կապված խնդիր կարող եմ ունենալ»,- ասաց նա:
Մանրամասները՝ տեսանյութում:
Շողիկ Գալստյան
