16.01.2026 | 22:53
Հայաստանի մի շարք հասցեներում էլեկկտրաէներգիայի անջատումներ կլինեն
Շուշիի օպերացիայի պատասխանատուն ես էի, որ հաշվետու էի Ռոբերտ Քոչարյանին ու Վազգեն Սարգսյանին. Սերժ Սարգսյանի հարցազրույցը Արցախի ՀԸ-ին. ՏԵՍԱՆՅՈՒԹ
09.05.2019 | 21:07
ՀՀ երրորդ նախագահ Սերժ Սարգսյանը մայիսյան եռատոնին այցելել է Արցախ: Մայիսի 9-ին նա թոռան ու մարտական ընկերների հետ այցելել է Ստեփանակերտի հուշահամալիր՝ ծաղկեպսակ դրել Մեծ հայրենական պատերազմի ժամանակ զոհվածների հիշատակը հավերժացնող հուշարձանին և արցախյան ազատամարտի նահատակների շիրիմներին: Սերժ Սարգսայնը Արցախի հանրային հեռուստաընկերությանը բացառիկ հարցազրույց է տվել:
Չնայած տեղացող անձրևին, Սերժ Սարգսյանը հիշել ու պատմել է Շուշիի գրավման պատմությունը:
«Պիտի ասեմ, որ Շուշիի գրավման օպերացիային մասնակցում էին միայն ու միայն կամավորներ և Լեռնային Ղարաբաղի այն ժամանակվա բոլոր ղեկավարները. Ռոբերտ Քոչարյանը Լաչինի կողմից էր՝ զուտ զինվորի կարգավիճակով, ավտոմատը ձեռքին, Բակո Սահակյանը Ստեփանակերտի նոր ձևավորված վաշտում էր, որի հրամանատարը Վիլենն էր: Սամվել Կարապետյանը, բոլորը մասնակցում էին այդ օպերացիային: Ընդհանուր պատասխանատուն ես էի, որ հաշվետու էի Ռոբերտ Քոչարյանին և Վազգեն Սարգսյանին: Շուշիի օպերացիան կանխորոշեց շատ բան»,- պատմել է նա:
Ապա Սերժ Սարգսյանն ասել է, որ կարոտով է հիշում գոյամարտի ընթացքում զոհված իր ընկերներին. Դուշման Վարդանին, Մոնթե Մելքոնյանին, Ասկոլկային, Նորիկին:
Մանրամասները՝ տեսանյութում:
