09.03.2026 | 18:29
Հայաստանի Պրեմիեր լիգա. Առաջատարի պարտությունը, հետնապահի առաջին հաղթանակն ու տուրի տեսաամփոփումը
Երեկվանից սարսափած եմ. Էդմոն Մարուքյանը հեգնեց Ռոբերտ Քոչարյանին. ՏԵՍԱՆՅՈՒԹ
Քաղաքականություն
09.05.2019 | 10:03
Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանը չի հիշում մի ժամանակաշրջան, «երբ զինվորը մայկա կամ տրուսիկ չի ունեցել»։
«Կարծում եմ՝ վարչապետը փոխաբերական իմաստով է ասել։ Հիմա էլ են ծնողները ուղարկում շորեր, միշտ էլ ուղարկելու են, բայց այն, որ մարդիկ միլիոնատերեր են դարձել, դա անհերքելի է, մինչդեռ, եթե սահմանների վրա կատարվեր 100 մլն դոլարի ներդրում, մենք ապրիլյան պատերազմի ժամանակ այդքան զոհ չէինք ունենա»,- այսօր Եռաբլուր զինվորական պանթեոնում, լրագրողների հետ զրույցում ասաց Մարուքյանը՝ շեշտելով, որ անհերքելի է նաև, որ սահմանի ամրապնդման համար ներդրումներ սկսել են արվել ապրիլյան քառօրյա պատերազմից անմիջապես հետո։
«Լուսավոր Հայաստան» խմբակցության ղեկավարն անդրադարձավ նաև 2-րդ նախագահ Ռոբերտ Քոչարյանի՝ Reuters գործակալությանը տված գրավոր հարցազրույցին, որով հայտարարել է, որ հզոր ընդդիմադիր ուժեր միավորվում են՝ մարտահրավեր նետելու Հայաստանի նոր իշխանություններին:
«Երեկվանից սարսափած եմ, ամբողջ գիշեր չեմ քնել: Ի՞նչ ուժեր, այսօր կա և՛ ընդդիմություն, և՛ իշխանություն։ 10 կամ 20 տարի հետո հետ գալու իմաստը չեմ հասկանում»,- նշեց Մարուքյանը՝ բացառելով հին Հայաստանի որևէ ներկայացուցչի հետ իրենց միավորումը։
Մանրամասները՝ տեսանյութում։
