20.04.2026 | 14:05
Ռուսական ԱԹՍ-ների հարձակումից վիրավորվել է Ուկրաինայի պաշտպանության նախարարի խորհրդականը
Լիլիթ Մակունցը նկատողություն է արել պատգամավորներին, շատերը խմբակցության նիստերին չեն մասնակցում
Քաղաքականություն
08.05.2019 | 21:50
Ազգային ժողովի «Իմ քայլը» խմբակցության ղեկավար Լիլիթ Մակունցը իշխանության թեւի որոշ պատգամավորների նկատողություն է արել՝ խմբակցության նիստերից բացակայելու համար:
Լիլիթ Մակունցը հայտարարել է, որ բոլորը պետք է խմբակցության նիստերին ներկա լինեն, հավելելով, որ այն տեւում է ընդամենը երկու ժամ:
Factor.am-ը Լիլիթ Մակունցից հետաքրքրվեց՝ արդյո՞ք բացակայություններն այնքան շատ են, որ նկատողություն տալու տեղիք է առաջացել։
Խմբակցության ղեկավարը պատասխանեց.
«Այս պահին չեմ հիշում, թե ինչի մասին է խոսքը: Հիմա չեմ հիշում, եթե հիշեմ՝ կասեմ»:
Լիլիթ Մակունցից հետաքրքրվեցինք՝ գոհ է իր ղեկավարած խմբակցության պատգամավորների աշխատանքից:
«Պատգամավորների աշխատանքը գնահատում է ՀՀ քաղաքացին: Ես ընդամենը կազմակերպում եմ մեր խմբակցության աշխատանքերը եւ փորձում եմ դրանք հնարավորինս արդյունավետ դարձնել: Մնացածը ժամանակը ցույց կտա: Ես կարող եմ բերել հանձնաժողովների նիստերի օրինակները, նախկինում դրանք շատ կարճ են տեւել՝ 15-20 րոպե առավելագույնը, իսկ այսօր դրանք տեւում են երեքից-չորս ժամ»,- ընդգծեց Մակունցը:
Նարեկ Կիրակոսյան
