18.09.2026 | 18:02
Բաքվում մահացած է հայտնաբերվել ԱՄՆ բանակի ադրբեջանցի զինծառայող
«Իմ քայլի» պատգամավորն առաջարկում է խմբակցության արտահերթ նիստ հրավիրել, քննարկել գործընկերների պահվածքը
Քաղաքականություն
08.05.2019 | 18:03
Ազգային ժողովի «Իմ քայլը» խմբակցությունում երեկ մտքերի փոխանակման մինի հավաք է եղել, որտեղ պատգամավոր Արմեն Փամբուխչյանն ուշագրավ հայտարարություն է արել: Նա, մասնավորապես, ասել է, որ «Իմ քայլը» խմբակցության որոշ պատգամավորների պահվածքը իրեն անհանգստացնում է: Փամբուխչյանը շեշտել է, որ այդ ամենը տեղի է ունենում Ազգային ժողովի ամբիոնից: Նա առաջարկել է խմբակցության արտահերթ նիստ հրավիրել և քննարկել իր առաջ քաշած հարցերը:
Արմեն Փամբուխչյանը Factor.am-ի հետ զրույցում չհերքեց տեղեկությունները, որ նման միտք հայտնել է: «Ես ասել եմ, որ պետք է մի հատ հավաքվենք ու ընդհանուր խոսենք: Ինձ երբեմն կարող է բան դուր չգալ, որի մասին մենք բաց ենք և արտահայտվում ենք: Ես հանդես եմ եկել մի նախաձեռնությամբ, որ խմբակցության ևս մեկ արտահերթ նիստի քննարկենք»,- ասաց նա:
Factor.am-ի հստակեցնող հարցին՝ իրեն հատկապես ո՞ւմ պահվածքն ու ելույթը ԱԺ ամբիոնից դուր չի եկել, պատգամավորը խուսափեց հստակ պատասխանել և անուններ տալ: «Ես զերծ եմ մնում այդ հարցին պատասխանելուց, քանի որ այդ ամենը ես ասել եմ մի քանի հոգու համար: Երբ ինչ-որ տեղից ինֆորմացիայի արտահոսք է լինում, ես զերծ եմ մնում պատասխանելուց»:
Նարեկ Կիրակոսյան
