Տեսանյութեր
08.05.2019 | 14:51Վարչապետ Նիկոլ Փաշինյանն այսօր հրավիրված ասուլիսում պատասխանելով հարցին՝ արդյո՞ք իրականությանը համապատասխանում է Վրաստանի նախկին նախագահ Միխայիլ Սաակաշվիլիի հայտարարությունը, թե ՀՀ նախկին վարչապետ Կարեն Կարապետյանը ճամպրուկով, որում 270 մլն դոլար է եղել, իր մոտ է գնացել, ասաց. «Այնպիսի տպավորություն է, որ ես երեկ չէ առաջին օրն ինչ–որ այլ տեղից ներգաղթել եմ Հայաստան: Դուք ինձ հարցնում եք սպառնալիքների մասի՞ն, հա։ Հիմա լուրջ պատասխանե՞մ հարցին՝ Կարեն Կարապետյանը 270 մլն դոլար ճամպրուկով եկել է ինձ մոտ։ 270 մլն դոլարը մի ճամպրուկում տեղավորվո՞ւմ է, ո՞վ գիտի»:
Նա ասաց՝ Կարեն Կարապետյանի հետ հանդիպել է ձերբակալվածների պահման վայրում: «Պատկերացրեք այդ տեսարանը: Գալիս է Կարեն Կարապետյանը, հետևից՝ ճամպրուկներով ինչ–որ մարդիկ։ Ասենք՝ դիպլոմատներով գալիս են, և փողերը բերում դնում են։ Կամ, ընդհանրապես, համարո՞ւմ եք, որ ինձ հետ հնարավոր է այդ կատեգորիաներով խոսել: Հնարավոր չէ»,- հայտարարեց Նիկոլ Փաշինյանը:
Մանրամասները՝ տեսանյութում:
Ռոբերտ Անանյան
