16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Եթե ինձ մնար, կնախընտրեի ԼՂ հարցով բանակցություններն ընթանային իմ ֆեյսբուքյան ուղիղ եթերով․ Փաշինյան. ՏԵՍԱՆՅՈՒԹ
Քաղաքականություն
08.05.2019 | 13:36
Ղարաբաղյան հարցի վերաբերյալ չեմ պատրաստվում գաղտնիքներ ունենալ, եթե ինձ մնար, կնախընտրեի, որ ԼՂ հարցով բանակցություններն իմ ֆեյսբուքյան ուղիղ եթերով ընթանային: Այս մասին վարչապետ ընտրվելու մեկ տարվա կապակցությամբ հրավիրված ասուլիսի ընթացքում նշեց Նիկոլ Փաշինյանը:
«Մեր քաղաքականությունը ղարաբաղյան հարցի վերաբերյալ չափազանց թափանցիկ է»,- ընդգծեց վարչապետը։
Անդրադառնալով ԵՄ-Ադրբեջան բանակցությունների և կողմերի միջև համաձայնագրի հնարավոր ստորագրմանը՝ Փաշինյանը նշեց, որ դրանք Հայաստանի հետ ուղիղ առնչություն չունեն։
«ԵՄ գործընկերների հետ իմ շփումներում ասել եմ, որ ճիշտ կլինի՝ տարածաշրջանային տարբեր իրավիճակներում բանակցային գործընթացները և որդեգրված սկզբունքները չաղավաղվեն ու չայլակերպվեն, իսկ միջազգայնորեն ճանաչված սկզբունքների շրջանակը հստակ պահպանվի։ Հույս ունենք, որ այս հարցում սկզբունքային մոտեցում կլինի»,- ընդգծեց Փաշինյանը։
Ղարաբաղյան հակամարտության կարգավորման վերաբերյալ կոնկրետ փաստաթղթի ստորագրման մասին վարչապետը նշեց. «Մենք համարում ենք, որ հակամարտության կարգավորման բանակցային գործընթացի միակ ձևաչափը ԵԱՀԿ Մինսկի համանախագահության ձևաչափն է, և այնտեղ հարցի լուծումը տեսականորեն հնարավոր ենք համարում»:
Մանրամասները՝ տեսանյութում:
Ռոբերտ Անանյան
