20.04.2026 | 20:13
Ապրիլից շտապբուժօգնության աշխատակիցների աշխատավարձը բարձրացել է, կտրամադրվի նաև 40 հազար դրամ պարգևավճար
Երբ «Գոլդեն Փելեսը» բացում էին, Քոչարյանն ասաց՝ օտարերկրյա ներդրող է, պարզվեց՝ Ավետիսյանն է. Փաշինյան. ՏԵՍԱՆՅՈՒԹ
Տնտեսություն
08.05.2019 | 13:06
Երկրում տնտեսության տրանսֆորմացիայի գործընթաց է տեղի ունենում, օրինակ՝ փակվել է Թեղուտի հանքավայրը և արտահանման տեմպերն անկում են ապրել, փոխարենն աճել է կոնյակի, պատրաստի արտադրանքի, գյուղմթերքի արտահանումը: Այսօր հրավիրված մամուլի ասուլիսում ասաց ՀՀ վարչապետ Նիկոլ Փաշինյանը:
«Հերի՛ք է հանքարդյունաբերության վրա հիմնված տնտեսություն լինի»,- հավելեց նա:
Անդրադառնալով ստվերային տնտեսությունների հարցին՝ Նիկոլ Փաշինյանը նշեց. «Ամենապարզ օրինակը բերեմ. երբ «Գոլդեն Փելես» հյուրանոցը բացում էին, Ռոբերտ Քոչարյանն ասում էր, որ ներդրողներն օտարերկրացիներ են։ Հետո պարզվեց, որ այդ օտարերկրացին Մաքսային ծառայության պետ Արմեն Ավետիսյանն է»:
Ինչ վերաբերում է Մեղրիի գազաֆիկացման խնդրին, ըստ Փաշինյանի՝ այնտեղ ծրագրեր են իրականացվում, այդ թվում՝ էներգետիկ ոլորտում:
«21-րդ դարն է: Մենք համոզվա՞ծ ենք, որ ճիշտը գազն է, գուցե այլընտրանքային էներգետիկան պետք է զարգացնենք: Այսօր գազի համակարևգում խնդիր ունենք, հարյուրավոր գյուղեր ունենք, որտեղ միլիոնավոր դոլարներ են ծախսվել՝ խողովակաշարով գազ հասցնելու համար, բայց գազը սպառվում է միայն սուրճ կամ ճաշ եփելու համար: Արդյունքում, համակարգն իրեն չի ծախսածածկում և գնային բեռն ընկնում է քաղաքացիների վրա»,- նշեց Փաշինյանը։
Վարչապետը հորդորեց խնդրին այլ տեսանկյուննից մոտենալ. «Խնդիրը ոչ թե գազն է, այլ տան ջեռուցումը, էներգետիկ կարիքները հոգալը: Ապագան գազը չէ, այլ վերականգնվող էներգետիկան։ Մենք կքննարկենք, և եթե պարզվի, որ ավելի արդյունավետ միջոցներ կան, կանենք»:
Մանրամասները՝ տեսանյութում:
Ռոբերտ Անանյան
