06.08.2026 | 20:30
ԶԻՆԱՊԱՀ-ի ցուցակում զոհված զինծառայողներ՝ 2025-ին և 2026-ին․ ինչ հանգամանքներում են նրանք մահացել
ՀՀ նորանշանակ մշտական ներկայացուցիչն իր հավատարմագրերն է հանձնել Ժնևում ՄԱԿ-ի գրասենյակի գլխավոր տնօրենին
Քաղաքականություն
08.05.2019 | 12:27
ՀՀ ԱԳՆ-ից տեղեկացնում են, որ մայիսի 7-ին Միավորված ազգերի կազմակերպության ժնևյան գրասենյակում Հայաստանի Հանրապետության նորանշանակ մշտական ներկայացուցիչ Անդրանիկ Հովհաննիսյանն իր հավատարմագրերն է հանձնել Ժնևում ՄԱԿ-ի գրասենյակի գլխավոր տնօրեն Մայքլ Մոլլերին (Michael Møller)։
«Հավատարմագրերի հանձնման արարողությանը հաջորդած զրույցի ընթացքում՝ Մայքլ Մոլլերը շնորհավորեց Անդրանիկ Հովհաննիսյանին ՀՀ մշտական ներկայացուցչի պաշտոնը ստանձնելու կապակցությամբ՝ մաղթելով արդյունավետ և բեղմնավոր աշխատանք։ Նա անդրադարձավ ՄԱԿ-ի գրասենյակի գործունեությանը՝ մասնավորապես ներկայացնելով մարդու իրավունքների պաշտպանության, զինաթափման, կայուն զարգացման նպատակների իրականացման ուղղությամբ տարվող աշխատանքները։
Շնորհակալություն հայտնելով ընդունելության համար՝ Անդրանիկ Հովհաննիսյանը ներկայացրեց ՄԱԿ-ի գրասենյակի օրակարգային հարցերի շուրջ Հայաստանի մոտեցումները: Նա անդրադարձավ ժողովրդավարության ու իրավունքի գերակայության ամրապնդման, մարդու իրավունքների և հիմնարար ազատությունների պաշտպանության ոլորտներում Հայաստանի կառավարության կողմից իրականացվող բարեփոխումներին:
Դեսպան Հովհաննիսյանը ներկայացրեց նաև Հայաստանի արտաքին քաղաքականության գերակայությունները:
Զրուցակիցները մտքեր փոխանակեցին Ժնևում ՄԱԿ-ի գրասենյակի գործառույթների շրջանակներում ծավալվող համագործակցության շուրջ»,- ասված է հաղորդագրությունում:
