28.09.2026 | 02:28
«Արդարացում չունեցող կոպիտ սխալ». Թաթա Սիմոնյանը ներողություն է խնդրել սեպտեմբերի 27-ին իր համերգի ցուցադրության համար
Ուզո՞ւմ ենք նոր Սերժ Սարգսյան, Հայաստանում չկա սուպերվարչապետ և սուպերվարչապետական համակարգ․ Նիկոլ Փաշինյան. ՏԵՍԱՆՅՈՒԹ
Քաղաքականություն
08.05.2019 | 11:42
Սուպերվարչապետական համակարգը Հայաստանում այլևս վերացված է, որովհետև ժողովրդավարական երկրում չի կարող լինել սուպերվարչապետ: Այսօր հրավիրած ասուլիսում լրագրողի հարցին ի պատասխան՝ այս մասին հայտարարեց ՀՀ վարչապետ Նիկոլ Փաշինյանը:
«Մենք պետք է հասկանանք, թե ինչ է նշանակում սուպերվարչապետական համակարգ: Արդյո՞ք սուպերվարչապետական համակարգի հակառակը նշանակում է երկիր, որտեղ չկա իշխանության ուղղահայաց: Կարո՞ղ եք բացատրել, թե ինչու է սուպերվարչապետը լուսացույցի կարմիր լույսի տակ կանգնում: Այն, ինչ այս մեկ տարվա ընթացքում տեղի է ունեցել ՀՀ-ում, թեկուզ այս շփման ընթացքում, վերջին 30 տարվա ընթացքում քանի՞ անգամ է տեղի ունեցել»,- հավելեց նա:
Ըստ Նիկոլ Փաշինյանի՝ սուպերվարչապետական համակարգը միայն օրենքն ու օրինական լծակները չեն. «Սուպերվարչապետը նա է, որ ասում է՝ դու շաքարավազ կներկրես, դու չներկրես, բանանի գործը քեզ, բենզինի գործը՝ քեզ… Այստեղ պիտի գյուղապետ ընտրվի այսինչը, այստեղ գյուղապետ պիտի չընտրվի այսինչը: Այս մեկի նկատմամբ գործ հարուցեք, այս մեկի նկատմամբ՝ կարճեք… Սուպերվարչապետական համակարգը դա է: Երբ ես սուպերվարչապետական համակարգը քննադատել եմ, առաջին հերթին դա եմ նկատի ունեցել»:
Վարչապետի խոսքով՝ եթե խոսքը վերաբերում է մեկ-երկու գերատեսչության կարգավիճակին, այդտեղ կան փաստեր և փաստարկներ: «Օրինակ՝ ԱԱԾ-ն նախարարություն դարձնելու վերաբերյալ: Հարց. մենք ուզո՞ւմ ենք երկրում նոր Սերժ Սարգսյան: Սերժ Սարգսյանի քաղաքական կարիերան ո՞նց է ձևավորվել՝ ԱԱԾ-ի ժամանակներից, կամաց-կամաց: Ուզո՞ւմ ենք սա, թե՞ չենք ուզում»,- ասաց Փաշինյանը:
Մանրամասները՝ տեսանյութում:
Ռոբերտ Անանյան
