16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Տիկին Զոհրաբյան, ես առաջարկում եմ կինոյի օրը տեղափոխել ապրիլի 17-ին, որովհետև 2018-ի այդ օրը՝ երբ Սերժ Սարգսյանն ընտրվում էր ՀՀ վարչապետ, այս դահլիճում մի մեծ կինո էր. Ալեն Սիմոնյան․ ՏԵՍԱՆՅՈՒԹ
Քաղաքականություն
08.05.2019 | 11:47
Ազգային ժողովում այսօր քննարկվում է «Բարգավաճ Հայաստան» խմբակցության պատգամավորներ Նաիրա Զոհրաբյանի և Վահե էնֆիաջյանի ներկայացրած օրենսդրական նախաձեռնությունը, որով առաջարկվում է փոփոխություն կատարել Տոների և հիշատակի օրերի մասին օրենքում և ապրիլի 16-ը ամրագրել որպես «Հայ կինոյի օր»։
Նշենք, որ ապրիլի 16-ին նշվում է նաև Ոստիկանության օրը։
ԱԺ փոխնախագահ Ալեն Սիմոնյանը քննարկվող նախագծի վերաբերյալ նշեց, որ ինքը պնդում է, որ Հայաստանի Հանրապետությունը որևէ բան չի արել մեր երկրում կինոյի կայացման համար։
«Ես չգիտեմ՝ ի՞նչ է արել ՀՀ-ն կինոինդուստրիայի զարգացման համար այս ընթացքում, պնդում եմ՝ որևիցե բան չի արել: Այն չնչին գումարները, որոնք հատկացվել են յուրայիններին և մսխվել, ես չեմ համարում, որ այդ գումարներով կինոյի համար ինչ-որ բան էր արվել։ Իսկ ինչ վերաբերում է կինոյի օրն ապրիլի 16-ին նշելուն, ապա տիկին Զոհրաբյան, ես առաջարկում եմ այդ օրը տեղափոխել ապրիլի 17-ին, որովհետև 2018 թվականի այդ օրը՝ երբ Սերժ Սարգսյանն ընտրվում էր ՀՀ վարչապետ, այս դահլիճում մի մեծ կինո էր ՝ ՀՀ-ի եզակի դեպքերից մեկը»,- ասաց Սիմոնյանը։
ԱԺ փոխնախագահը նշեց, որ կիսում է նախագծի հեղինակների առաջ քաշած մտահոգությունները, ուստի կողմ է քվեարկելու այս նախագծին։
Մանրամասները՝ տեսանյութում։
