03.09.2026 | 10:12
Ալկարասը կարիերայի լավագույն շարքն է անցկացնում «Մեծ սաղավարտի» մրցաշարերում. ՏԵՍԱՆՅՈՒԹ
Մարուքյանը խոսում է ամռանը սպասվող կրճատումների մասին, Մակունցը հորդորում՝ խուճապ չառաջացնել․ՏԵՍԱՆՅՈՒԹ
Քաղաքականություն
08.05.2019 | 10:38
Այսօր՝ մայիսի 8-ին, ԱԺ-ն շարունակում է հերթական քառօրյայի աշխատանքները։
Նիստի սկզբում ԱԺ նախագահ Արարատ Միրզոյանը քվեարկության դրեց երեկ քննարկված օրենքի նախագծերի ընդունման հարցը։
Խորհրդարանը երկրորդ ընթերցմամբ ընդունեց Գովազդի մասին, Վարչական իրավախախտումների մասին, Կառավարության կառուցվածքի մասին օրենքների նախագծերը։
Նշենք, որ Կառավարության կառուցվածքի մասին օրենքի նախագծին ինչպես առաջին ընթերցման, այնպես էլ երկրորդ ընթերցման ժամանակ դեմ քվեարկեցին «Բարգավաճ Հայաստան» և «Լուսավոր Հայաստան» խմբակցությունները։
«Լուսավոր Հայաստան» խմբակցության ղեկավար էդմոն Մարուքյանն ասաց, որ այս կառուցվածքի արդյունքում ամառային արձակուրդների շրջանում երկրում կրճատումներ են լինելու, իսկ Կառավարության կառուցվածքը երկար կյանք չի ունենալու։
ԱԺ «Իմ քայլը» խմբակցության ղեկավար Լիլիթ Մակունցն էլ, արձագանքելով Էդմոն Մարուքյանի այն դիտարկմանը, որ սպասվում են կրճատումներ, նշեց, որ կադրային ռեզերվում հայտնվելու են ընդամենը մի քանի տասնյակ մարդիկ և կոչ արեց խուճապ առաջացնող և անհիմն հայտարարություններ չանել։
Կառավարության կառուցվածքի փոփոխության մասին օրենքի նախագծին կողմ քվեարկեց միայն «Իմ քայլը» խմբակցությունը․ այն ընդունվեց 79 կողմ, 41 դեմ, 0 ձեռնպահ ձայների հարաբերակցությամբ։
Մանրամասները՝ տեսանյութում։
