16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Խոսքս կվերնագրեի՝ ահազանգ Սևանա լճի վիճակի մասին․ Թագուհի Թովմասյան․ ՏԵՍԱՆՅՈՒԹ
Քաղաքականություն
07.05.2019 | 17:12
Ազգային ժողովի «Իմ քայլը» խմբակցության պատգամավոր Թագուհի Թովմասյան այսօր խորհրդարանում պատգամավորների հայտարարությունների ժամին բարձրաձայնեց Սևանա լճի խնդիրների մասին՝ նշելով, որ այս հարցում դեռևս հեղափոխական մոտեցում նկատելի չէ։
«Խոսքս կվերնագրեի՝ ահազանգ Սևանա լճի վիճակի մասին։ ՀՀ-ի միակ քաղցրահամ ջրի մեծ պաշարն ունի հեղափոխական վերաբերմունքի կարիք, սակայն դեռևս նկատելի չեն այն հեղափոխական քայլերը, որոնք ակնկալում է հասարակությունը։ Ջուրն ամենաթանկ ռեսուրսն է, որը մենք չենք գնահատում և մաքուր ջրին վերաբերվում ենք, ինչպես վարչապետն է նախորդ տարվա օգոստոսին ասել, որպես ջրի տարայի»,- ասաց պատգամավորը՝ նշելով, որ Սևանա լճի մաքրությանը պետք հետևողական լինել հենց ափամերձ տարածքներից։
Պատգամավորը նշեց, որ Ազգային ժողովի բնապահպանական հանձնաժողովի նիստերից մեկի ժամանակ բնապահպանության նախարարից հետարքրքվել է, թե ափամերձ տարածքների մաքրման աշխատանքները երբվանից են սկսելու, ինչին ի պատասխան նախարարից ստացել է հավաստիացումներ, որ որոշ հատվածներում դրանք արդեն սկսվել են։
«Անցած շաբաթ շրջել եմ լճի տարածքով, սակայն, ցավոք սրտի, ես չնկատեցի կատարված աշխատանք»,- ասաց պատգամավորը։
Մանրամասները՝ տեսանյութում:
