30.04.2026 | 01:05
Չեմպիոնների լիգա․ «Աթլետիկոն» ու «Արսենալը» չպարզեցին հաղթողին․ ՏԵՍԱՆՅՈՒԹ
Քննարկում. նոր ուստարվան ընդառաջ կրթական համակարգում առկա հիմնախնդիրները (ուղիղ հեռարձակում)
Հասարակություն
31.08.2017 | 12:09
Կրթության խնդիրները ոչ միայն պետական մարմինների, այլև հանրային ուշադրության կենտրոնում են: Թեպետ այժմ հասարակությունն այս ոլորտում հաճախ պետական որոշումների ուղղակի «սպառողի» կարգավիճակում է, սակայն վերջինիս ակտիվ ներգրավվածությունը որոշումների կայացման, առաջարկությունների ներկայացման ու ընդունման գործընթացում առավել կարևոր է:
«Կրթական քաղաքացիական նախաձեռնությունը» իր գործունեությամբ, ի թիվս այլ խնդիրների, փորձում է լուծում տալ կրթության ոլորտում հանրային ներգրավվածության հիմնահարցին։ Այն ինքնաբուխ միավորում է, որի անդրանիկ հանդիպումը տեղի է ունեցել ս.թ. ապրիլի 15-ին: Նախաձեռնության մասնակիցների շարքում են կրթության ոլորտի փորձագետներ և հետազոտողներ, մասնագիտացված ՀԿ-ներ ու քաղաքացիական տարբեր խմբեր, ինչպես նաև կրթության ոլորտի հիմնախնդիրներով մտահոգված անհատներ՝ այդ թվում ծնողներ և ուսուցիչներ։
Այսօր կազմակերպված ասուլիսի ընթացքում կներկայացվեն վերջին մի քանի ամիսների ընթացքում «Կրթական քաղաքացիական նախաձեռնության» կողմից իրականացրած աշխատանքները, ինչպես նաև՝ նոր ուսումնական տարվան ընդառաջ կրթական համակարգում առկա հիմնախնդիրների վեր հանմանն ու լուծմանն ուղղված ծրագրերը։
Բանախոսներն են՝ «Կրթական քաղաքացիական նախաձեռնության» ներկայացուցիչ Վահրամ Սողոմոնյանը, «Հանրային քաղաքականության ինստիտուտի» տնօրեն,
«Կրթական քաղաքացիական նախաձեռնության» ներկայացուցիչ Արևիկ Անափիոսյանը, «Կրթական քաղաքացիական նախաձեռնության» ներկայացուցիչ Միշա Թադևոսյանը:
