24.06.2026 | 21:09
Ադրբեջանի ԱԳՆ-ն դատապարտել է Արցախի հայերի ու գերիների վերաբերյալ պաշտոնական Փարիզի հայտարարությունները
Ստամբուլի ընտրությունները չեղյալ են հայտարարվել
Քաղաքականություն
07.05.2019 | 14:08
Թուրքիայի Կենտրոնական ընտրական հանձնաժողովը (ԿԸՀ) մայիսի 6-ին որոշում է կայացրել Ստամբուլի քաղաքապետի ընտրությունները չեղարկելու վերաբերյալ. գրում է ermenihaber-ը:
Այսպիսով փաստորեն ընդունվեց իշխող «Արդարություն և զարգացում կուսակցության» (ԱԶԿ-AKP) առարկությունը՝ կապված մարտի 31-ին կայացած Ստամբուլի քաղաքապետի ընտրությունների արդյունքների հետ:
Թուրքիայի ԿԸՀ-ն հայտարարել է նոր ընտրությունների անցկացման օրը։ Այն տեղի կունենա հունիսի 23-ին։ Հաղթած ընդդիմադիր թեկնածու CHP-ական Էքրեմ Իմամօղլուն հայտնել է իր դժգոհությունն ու վրդովմունքը այս որոշման առնչությամբ։ Իշխող կուսակցության պարտված թեկնածու AKP-ական Բինալի Յըլդըրըմը, բնականաբար, գոհ է որոշումից։
Հիշեցնենք, որ մարտի 31-ին Թուրքիայում կայացած ՏԻՄ ընտրություններում երկրի խոշոր քաղաքներում, այդ թվում՝ Ստամբուլում հաղթել էր ընդդիմադիր «Ժողովրդահանրապետական» կուսակցությունը (ԺՀԿ-CHP)։ Իշխող ուժը Ստամբուլում կրած պարտության հետ ոչ մի կերպ չհամակերպվեց և բողոքարկեց արդյունքները։ Ի վերջո Թուրքիայի ԿԸՀ-ն սկանդալային որոշում կայացրեց ընտրությունները չեղարկելու վերաբերյալ։
