20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Եթե քաղաքական որոշմամբ էթիկայի հանձնաժողով ստեղծենք, կարող է մեկնաբանվել որպես քաղաքական հետապնդում. Լիլիթ Մակունց. ՏԵՍԱՆՅՈՒԹ
Քաղաքականություն
06.05.2019 | 16:10
«Ինձ համար սկզբունք է, որ եթե կան բաներ, որ մեկնաբանությունների տեղիք են տալիս ու հստակ չեն, առնչվում են իրավական տիրույթին, պետք է օրենքը կարգավորի, քննարկում չի եղել, չգիտեմ Գագիկ Ծառուկյանի տեսակետը և որևէ փուլում չեմ ուզում ասել, որ բացառում եմ էթիկայի հանձնաժողովի ստեղծումը»,- խորհրդարանում պատասխանելով Factor.am-ի հարցին ասաց ԱԺ «Իմ քայլը» խմբակցության ղեկավար Լիլիթ Մակունցը։
Խմբակցության ղեկավարն անդրադարձավ նաև բիզնեսն ու քաղաքականությունը տարանջատելու իշխանության խոստումներին։
«Երբ մենք խոսում ենք օլիգարխիայի մասին, պիտի հստակ սահմանենք, թե ինչ է նշանակում օլիգարխիա, այն նշանակում է իշխանության և բիզնեսի սերտաճում, կառավարող ուժը, որը կա ՀՀ-ում, այդտեղ օլիգարխիա չկա, սա խնդրում եմ արձանագրեք, որ ՀՀ-ում չկա իշխանության և բիզնեսի սերտաճում, ինչ վերաբերում է բիզնես-շահեր հետապնդելուն և օրենսդրական գործունեություն ծավալելուն, օրենքն ասում է` ինչ պետք է լինի: Հայտարարությունները, որ հնչել են ԱԺ ամբիոնից, մտահոգություն են առաջացրել մեզ մոտ, որ եթե դա իրականությանը չի համապատասխանում, ապա նման հայտարարություն չպետք է արվի: Եթե արվում է, ողջամիտ կասկածների տեղիք է տալիս, ուրախ եմ, որ այս պահին հարցի քննությունը գտնվում է իրավական դաշտում, կարևոր է իմանալ, թե ինչ եզրակացություն է լինելու, առաջարկում եմ սպասել»,- ասաց նա:
Մանրամասները՝ տեսանյութում։
