17.05.2026 | 15:20
Քարոզարշավի 10-րդ օրն ունենք 1 զոհ, 10 ձերբակալված, բազմաթիվ քրեական գործեր․ Ագնեսա Խամոյան․ ՏԵՍԱՆՅՈւԹ
«Սա հարթակ է՝ ամրապնդելու հայ և ամերիկացի ժողովուրդների բարեկամությունը». Սերգեյ Առաքելյան. ՏԵՍԱՆՅՈՒԹ
Քաղաքականություն
06.05.2019 | 14:28
Մեր համագործակցությունը երկխոսության մի հարթակ է՝ ևս մեկ անգամ ամրապնդելու հայ և ամերիկացի ժողովուրդների միջև առկա բարեկամությունը՝ հիմնված միասնական շահերի ու արժեքների վրա։ Այս մասին Արդարադատության ակադեմիայի «Հայ-ամերիկյան բարեկամության նախասրահի» բացման հանդիսավոր արարողության ընթացքում նշեց Արդարադատության ակադեմիայի ռեկտոր Սերգեյ Առաքելյանը։
Նրա խոսքով՝ մեկ տարածքում կարողացել են ունիվերսալ տարբերակով ապահովել դասասենյակ, համակարգչային լսարան, քննասենյակ ու գիտաժողովների դահլիճ։
Արդարադատության ակադեմիայի ռեկտորը նաև անդրադարձավ ՀՀ-ում ԱՄՆ դեսպանատան ու թմրամիջոցների դեմ պայքարի և իրավապահ համագործակցության գրասենյակի ջանքերով կազմակերպված դասընթացային 9 մոդուլներին, որոնք ուղղված են եղել կոռուպցիայի դեմ պայքարին և դատարանի անկախությանը։
«Հետագայում այս թեմաներով նաև ուսումնական նյութեր ենք պատրաստել՝ դասավանդելու համար։ Բացի այդ, համատեղ ջանքերով 30 դասընթացավարի ենք վերապատրաստել, որոնք գործող դատավորներ, դատախազներ ու քննիչներ են»,- նշեց Սերգեյ Առաքելյանը։
Նելլի Մելքոնյան
