08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Պետգույքի կոմիտեն պետք է ավելի նախաձեռնող լինի․ Արսեն Թորոսյանը՝ հիվանդանոցների մասնավորեցման մասին. ՏԵՍԱՆՅՈՒԹ
Տնտեսություն
03.05.2019 | 14:42
Մեր հիվանդանոցները որոշ դեպքերում գրավիչ չեն մասնավորեցման համար, միաժամանակ, պետգույքի կառավարման կոմիտեն պետք է մի քիչ ավելի նախաձեռնող լինի: Այսօր Ազգային ժողովում լրագրողների հետ զրույցում այս մասին ասաց ՀՀ առողջապահության նախարար Արսեն Թորոսյանը՝ պատասխանելով Factor.am-ի հարցին, թե ինչո՞ւ չի հաջողվում ներդրողների ներգրավել հիվանդանոցների մասնավորեցման գործում:
«Մեր պետգույքի կառավարման կոմիտեն պետք է մի քիչ ավելի նախաձեռնող լինի, որպեսզի կարողանա գտնել ներդրողներին: Մենք առնվազն մեզ դիմած ընկերություններին, որոնք ուզում են որևէ հիվանդանոց վերցնել մասնավորեցման, ուղղորդում ենք պետգույք, ինքներս մասնակցում ենք այդ քննարկումներին: Եվ մենք շահագրգռված ենք, որ եթե հիվանդանոցը մնում է մասնավորեցման ցանկում, շուտ մասնավորեցվի և չմնա պետգույքի կառավարման ներքո, որովհետև դա արդյունավետ»,- հավելեց նախարարը:
Նրա խոսքով՝ պետգույքի կառավարման կոմիտեն պրոֆիլային հիմնարկ չէ, այլ միջանկյալ օղակ՝ հիվանդանոցի մասնավորեցումից առաջ. «Եվ եթե չի մասնավորեցվում, պետք է որոշվի կարգավիճակը՝ կա՛մ լուծարվի որպես ՓԲԸ, կա՛մ վերադարձվի պետությանը, եթե մեզ պետք է»:
Մանրամասները՝ տեսանյութում:
Շողիկ Գալստյան
