08.11.2026 | 21:21
Առատ ձյան պատճառով Գորայք-Մեղրի ճանապարհը փակ է կցորդիչով բեռնատարների համար
Հայաստանի և Ադրբեջանի ԱԳ նախարարների վաշինգտոնյան հանդիպման ժամկետը դեռևս հստակեցված չէ. Ջորջ Քենթ
Քաղաքականություն
03.05.2019 | 14:37
ԱՄՆ-ն, լինելով ԵԱՀԿ Մինսկի համանախագահ երկիր, լրջորեն է վերաբերում Լեռնային Ղարաբաղի հակամարտության կարգավորման հարցում իր պատասխանատվությանը: Ադրբեջանական լրատվամիջոցների փոխանցմամբ՝ այս մասին Բաքվում հայտարարել է ԱՄՆ պետքարտուղարի օգնականի տեղակալ Ջորջ Քենթը:
Նա գոհունակություն է հայտնել Հայաստանի և Ադրբեջանի ԱԳ նախարարների հանդիպումների, հատկապես՝ Մոսկվայում կայացած վերջին հանդիպման կապակցությամբ: Քենթը նշել է, որ վստահության ամրապնդման միջոցների, լրագրողների փոխանակման, երկու երկրներում բանտարկվածներին հարազատների այցերի մասին պայմանավորվածությունները շատ կարևոր են:
«Մենք սպասում ենք Վաշինգտոնում Հայաստանի և Ադրբեջանի ԱԳՆ ղեկավարների հանդիպման կազմակերպմանը: Ժամկետները դեռևս հստակ չեն: Մենք շահագրգռված ենք հակամարտության խաղաղ կարգավորմամբ՝ ԵԱՀԿ-ի շրջանակում մշակված սկզբունքներին համապատասխան»,- ասել է ԱՄՆ պետքարտուղարության պաշտոնյան:
