02.07.2026 | 16:20
Կալլասը խոստանում է ԵՄ նոր պատժամիջոցներ ՌԴ-ի նկատմամբ՝ Կիևին ռուսական հարվածներից հետո
ԵՄ-ն վճռական է պաշտպանել մամուլի ազատությունը նաև Հայաստանում՝ մեդիա աջակցության ապագա գործիքի միջոցով. Սվիտալսկի
03.05.2019 | 14:04
ՀՀ-ում ԵՄ դեսպան Պյոտր Սվիտալսկին շնորհավորական ուղերձ է հրապարակել Մամուլի ազատության համաշխարհային օրվա առթիվ:
«Շնորհավորում եմ լրագրողներին և մեդիա ոլորտի աշխատակիցներին Մամուլի ազատության համաշխարհային օրվա առթիվ: Մաղթում եմ, որ ձեր մասնագիտական գործունեությունն իրականացնեք ազատ, անկախ և անվտանգ պայմաններում: Դուք կամուրջ եք հանդիսանում տեղեկատվության և քաղաքացիների միջև, և այդ դերն անչափ կարևոր է ճշգրիտ և որակյալ տեղեկատվության տարածման գործում: Ժողովրդավարությունը ոչ միայն կարիք ունի ազատ և անկախ մամուլի, այլ նաև որակյալ տեղեկատվության: Լրագրողներ առանց սահմանների և Ֆրիդոմ հաուզ կազմակերպությունների վերջին զեկույցների համաձայն՝ Հայաստանը լավ առաջընթաց է գրանցել այս ասպարեզում: Հուսով եմ՝ մյուս տարի նույնպես հայաստանյան մամուլը կշարունակի իր առաջընթացն ու նվաճումները: Հաշվի առնելով աշխարհում ազատ լրագրության վրա իրականացվող ճնշումները՝ Եվրոպական միությունը վճռական է պաշտպանել մամուլի ազատությունը նաև Հայաստանում՝ մեդիա աջակցության ապագա գործիքի միջոցով»:
