02.07.2026 | 16:20
Կալլասը խոստանում է ԵՄ նոր պատժամիջոցներ ՌԴ-ի նկատմամբ՝ Կիևին ռուսական հարվածներից հետո
ՌԴ դաշնային մաքսային ծառայության ղեկավարի առաջին տեղակալը՝ ՊԵԿ-ում. համաձայնություն է ձեռք բերվել անհրաժեշտ պայմաններ ստեղծել փորձի փոխանակման համար
03.05.2019 | 13:00
ՊԵԿ տեղեկատվության և հասարակայնության հետ կապերի բաժնից տեղեկացնում են, որ ՌԴ դաշնային մաքսային ծառայության ղեկավարի առաջին տեղակալ Ռուսլան Դավիդովը, Եվրասիական միջկառավարական խորհրդի նիստի շրջանակում գտնվելով Հայաստանում, այցելել է Պետական եկամուտների կոմիտե:
«ՊԵԿ բարձրաստիճան պաշտոնյաների հետ հանդիպմանը քննարկվել են մի շարք հարցեր: Ռ. Դավիդովը ծանոթացել է ՏՏ ոլորտի առաջավոր փորձին և ՀՀ արտաքին առևտրի ազգային մեկ պատուհան հարթակում առաջարկվող ծառայություններին: Հանդիպմանն անդրադարձ է եղել նաև Հայաստանում միջազգային փոստային և էքսպրես-առաքումների նկատմամբ իրականացվող մաքսային հսկողության փորձին և այլն: Արդյունքում համաձայնություն է ձեռք բերվել ակտիվացնել համատեղ աշխատանքները վերոնշյալ ոլորտներում և անհրաժեշտ պայմաններ ստեղծել փորձի փոխանակման համար»,- ասված է հաղորդագրությունում:
