14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Վրաստանի նախագահի՝ ԱՄՆ նախանշված այցը չի կայանա. պատճառը հայտնի չէ
Քաղաքականություն
02.05.2019 | 12:44
Վրաստանի նախագահ Սալոմե Զուրաբիշվիլիի՝ աշնանը ԱՄՆ նախանշված այցը չի կայանա: Այս մասին գրում է ՏԱՍՍ-ը՝ վկայակոչելով Rustavi 2 հեռուստաալիքը:
Աղբյուրի փոխանցմամբ՝ այցը նախապատրաստվում էր դեռ մարտից, այդ ուղղությամբ աշխատում էր Վրաստանի ԱԳՆ-ն, սակայն, անհասկանալի պատճառներով, այն չի կայանա:
Փաստը, որ այցն իսկապես նախապատրաստվում էր, հաստատել է նաև Վրաստանի նախագահի վարչակազմի նախկին ղեկավար Լաշա Ժվանիան:
«Մարտին մենք բանակցություններ էինք վարում, որ այց ծրագրենք աշնանը՝ սեպտեմբերի վերջին կամ հոկտեմբերի սկզբին»,- ասել է Ժվանիան լրագրողներին:
Նշենք, որ Սալոմե Զուրաբիշվիլին մայիսի 1-ին «Ամերիկայի ձայն» ռադիոկայանի վրացական խմբագրությանը տված հարցազրույցում հայտարարել էր, թե Վրաստանում ամերիկյան ռազմակայանի կառուցումը նպատակահարմար չէ և կարող է ընկալվել որպես սադրանք: Նրա խոսքով՝ Վրաստանը պետք է խորացնի հարաբերություններն ԱՄՆ-ի հետ, բայց չձեռնարկի այնպիսի քայլեր, որոնք կհրահրեն մյուս երկրներին:
Զուրաբիշվիլիի այս հայտարարությանը վրացական ընդդիմությունը բացասաբար է արձագանքել՝ սպառնալով իմփիչմենթով:
