07.03.2026 | 21:35
Տիգրան Բարսեղյանը շարունակեց գոլային շարքը․ ՏԵՍԱՆՅՈՒԹ
Եվրամիությունն ու ԵՏՄ-ն տեխնիկական երկխոսություն կսկսեն․ Տիգրան Սարգսյան. ՏԵՍԱՆՅՈՒԹ
Տնտեսություն
30.04.2019 | 16:32
Վերջերս հաճախ է խոսվում, որ ԵՏՄ-ի ու Եվրամիության միջև կսկսվի տեխնիկական երկխոսություն, ինչը նախկինում չի եղել, ի՞նչ երկխոսության մասին է խոսք գնում և ի՞նչ է այն իրենից ներկայացնում, այսօր ԵՏՄ միջկառավարական խորհրդի նիստից հետո միության տնտեսական հանձնաժողովի կոլեգիայի նախագահ Տիգրան Սարգսյանին այսպիսի հարց ուղղվեց․ «ԵՏՄ Բարձրագույն խորհուրդը վարում է ինտեգրացիոն քաղաքականություն, ինչը նշանակում է, որ մենք պետք է հաստատենք կապեր ո՛չ միայն ասիական երկրների, այլև՝ Եվրամիության հետ, որովհետև Եվրամիությունը ոչ վաղ անցյալում եղել է ԵՏՄ-ի առանցքային գործընկերը։ Մենք հետաքրքրված ենք այն բանով, որ ունենանք փոխգործակցության նորմալ մեխանիզմներ՝ հարմարավետ պայմաններ ստեղծելու տնտեսական միավորների համար։ Խոսքը գնում է տեխնիկական ստանդարտների, նորմատիվ փաստաթղթերի, հակադեմպինգային հետաքննությունների մասին»։
Տիգրան Սարգսյանն ասաց՝ ԵՏՄ-ն հասել է նրան, որ սկսել են ճանաչել որպես սուբյեկտ և Եվրամիության հայտարարությունը՝ տեխնիկական երկխոսություն սկսելու մասին, խոսում է այն մասին, որ այս ուղղությամբ առաջին քայլն արված է։
Մանրամասները՝ տեսանյութում:
Ռոբերտ Անանյան
