08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Բոլոր 13 հարցերով պայմանավորվածություններ են ձեռք բերվել, այդ թվում՝ խնդրահարույց․ Տիգրան Սարգսյան. ՏԵՍԱՆՅՈՒԹ
Տնտեսություն
30.04.2019 | 15:59
Եվրասիական տնտեսական միության միջկառավարական խորհրդի ընդլայնված նիստից հետո ՀՀ վարչապետ Նիկոլ Փաշինյանը և ԵՏՄ տնտեսական հանձնաժողովի կոլեգիայի նախագահ Տիգրան Սարգսյանը հանդես եկան լրատվամիջոցների համար հայտարարությամբ։
Հայաստանի նախկին վարչապետ Տիգրան Սարգսյանն ասաց, որ քննարկվել են խնդրահարույց մի շարք հարցեր, որոնք կոնսենսուս են պահանջում․ «Վարչապետների մակարդակով քննարկումը թույլ է տալիս հենց նիստի շրջանակում ունենալ քաղաքական որոշումներ։ Եվ այսօր մենք ձեզ զեկուցում ենք, որ բոլոր 13 հարցերով ձեռք են բերվել պայմանավորվածություններ»։
Նա թվարկեց խնդրահարույց մի քանի հարցեր, որոնք ԵՏՄ անդամ երկրների կառավարությունների ղեկավարների մասնակցությամբ նիստում քննարկվել են։ Կարևորագույն թեման եղել է բիզնեսի գործունեության համար առավել նպաստավոր պայմանների ստեղծումը։ Կողմերը կոնսենսուսի են եկել հակադեմպինգային հետաքննության ֆունկցիայի կիրառման մասով, ինչը կիրառվում է ԵՏՄ շուկայում անդամ երկրների բիզնեսմենների շահերը պաշտպանելու նպատակով։
Տիգրան Սարգսյանի ներկայացմամբ՝ հաջորդ խնդրահարույց հարցը վերաբերել է շաքարին, և ձեռք բերված պայմանավորվածության արդյունքում հաջորդ տարվա հունվարի 1-ից շաքարը կընդգրկվի այն ապրանքների շարքում, որոնք չպետք է հայտնվեն ազատ տնտեսական գոտում: «Այսինքն՝ մենք ստեղծում ենք առավել մրցակցային պայմաններ»,- նշեց ԵՏՄ տնտեսական հանձնաժողովի կոլեգիայի նախագահը։
Մանրամասները՝ տեսանյութում:
Ռոբերտ Անանյան
