18.10.2026 | 20:17
«Մեր նպատակը նոր խոստումներ տալը չէ, այլ ստանձնած պարտավորությունները կատարելը»․ Մաթևոսյան․ ՏԵՍԱՆՅՈւԹ
ԵԽԽՎ ամբիոնից վարչապետի ելույթը ողջունելի էր, բայց միայն հայտարարությունները քիչ են. Արցախի ՄԻՊ. ՏԵՍԱՆՅՈՒԹ
Քաղաքականություն
30.04.2019 | 13:43
Արցախի Հանրապետության կողմից դիրքորոշումը եղել է, որ մենք բաց ենք և պատրաստ ենք ընդունել միջազգային կառույցներին՝ Արցախում ծրագրեր իրականացնելու: ՀՀ Ազգային ժողովում լրագրողների հետ զրույցում այս մասին ասաց ԱՀ մարդու իրավունքների պաշտպան Արտակ Բեգլարյանը՝ պատասխանելով Արցախում միջազգային կառույցների ներկայացվածության մասին հարցին:
«Իսկ թե ինչու ներկայացված չեն, դա արդեն իրենցից է կախված»,- հավելեց նա:
Արտակ Բեգլարյանի խոսքով՝ մարդու իրավունքների համընդհանրության սկզբունքը, ցավոք, չի գործում: «Իհարկե՝ ես չեմ կարող ասել, որ միայն Արցախին են խտրականության ենթարկում, նաև այլ չճանաչված պետությունների: Բայց սա անընդունելի է, քանի որ չճանաչված պետությունները և հատկապես կոնֆլիկտային իրավիճակում գտնվող պետությունները միշտ ավելի խոցելի են լինում մարդու իրավունքների պաշտպանության առումով, քան ճանաչված պետությունները»,- ասաց նա:
Ինչ վերաբերում է ԵԽԽՎ ամբիոնից Հայաստանի վարչապետ Նիկոլ Փաշինյանի ելույթի՝ Արցախին վերաբերող հատվածին, Արտակ Բեգլարյանն ասաց՝ շատ ողջունելի ելույթ էր, շեշտադրումները ողջունելի էին, բայց միայն հայտարարությունները բավարար չեն:
Մանրամասները՝ տեսանյութում:
Շողիկ Գալստյան
