10.12.2025 | 18:32
Արաղչին հանդիպել է ՀՀ-ում Իրանի նոր դեսպանին
Ինչ են մտածում վանաձորցիները Քաղաքացու օրվա մասին. հարցում. ՏԵՍԱՆՅՈՒԹ
Քաղաքականություն
26.04.2019 | 20:47
Մարտի 21-ին Կառավարությունը հավանության արժանացրեց «Տոների և հիշատակի օրերի մասին» օրենքում լրացում կատարելու մասին օրենքի նախագծի վերաբերյալ նախաձեռնությունը, ԱԺ-ն էլ ընդունեց օրենքում համապատասխան փոփոխությունը: Ըստ դրա՝ այսուհետ ապրիլ ամսվա վերջին շաբաթ օրը նշվելու է որպես Հայաստանի Հանրապետության քաղաքացու օր: Այս տարի այն նշվելու է ապրիլի 27-ին:
Factor.am-ը վանաձորցիներից հետաքրքրվել է՝ ի՞նչ կարծիք ունեն տոնի մասին: Հարցվածների մեծ մասի մոտ տոնի առկայությունը դրական է ընդունվել: «Տոնը նշելու անհրաժեշտությունը, գուցե, կա: Բայց առաջին հերթին նախ քաղաքացին պետք է մեծ հարգանք ունենա պետականության նկատմամբ, զուգահեռաբար նաև պետությունը սիրի իր քաղաքացուն: Յուրաքանչյուր օր քաղաքացու օր է»,- ասում է Նազար Մանուկյանը:
Ապրիլի 18-ին կայացած գործադիրի նիստին որոշվեց Կառավարության պահուստային ֆոնդից վարչապետի աշխատակազմին հատկացնել 124 միլիոն դրամ՝ «Քաղաքացու օրվան» նվիրված միջոցառումները Հայաստանի բոլոր մարզերում և Երևան քաղաքում կազմակերպելու և անցկացնելու համար:
Մեր հարցախույզը ցույց տվեց, որ վանաձորցիների շրջանում Կառավարության այս որոշումը միանշանակ չի ընդունվել: Քաղաքացիներից ոմանք կարծում են, որ տոնի համար նման չափի գումար ծախսելու կարիք չկար, քանի որ երկրում կան առաջնային լուծում պահանջող մի շարք այլ հարցեր: Շատերի համար էլ տրամադրվող գումարի չափը նշանակություն չուներ. կարևորը՝ տոնը կայանա:
«Մեր Հայաստանի պայմաններում ավելի լավ է ժողովրդի աշխատավարձն ու թոշակը բարձրացնեն: Թե չէ տոնն անպայման պետք է նշել, ինչի՞ չէ որ»,- ասում է Նարինե Հարությունյանը:
Մանրամասները՝ տեսանյութում:
Տաթևիկ Ղազարյան
