26.08.2026 | 15:10
Սերժ Սարգսյանի նկատմամբ խափանման միջոց է ընտրվել // Ընդդիմությունից ԱԺ հանձնաժողովի նախագահ ընտրվեց․ ԼՈՒՐԵՐ
Ասել՝ ինչ-որ մեկը չի խմում, ես սուտ կխոսեմ, բայց գլոբալ նման բան չկա. սահմանապահ զորքերի հրամանատար. ՏԵՍԱՆՅՈՒԹ
26.04.2019 | 15:42
Սահմանախախտման դեպքերը վերջին շրջանում աճել են: ԱԱԾ սահմանապահ զորքերի վարչությունում լրագրողների հետ զրույցում այս մասին ասաց զորքերի հրամանատար Վաղարշակ Սարգսյանը:
«Մեկ ամսվա մեծ բավականին շատ սահմանախախտման դեպքեր ենք կասեցրել: Սահմաններն անառիկ են: Հիմնականում հնդիկներն են խախտում, պարսիկները՝ քիչ, բանգլադեշցիներ էլ կան»,- ասաց նա:
Վերջերս ԱԺ պատգամավոր, ԵԿՄ վարչության նախագահ Սասուն Միքայելյանը հայտարարել էր, որ սահմաններում կանգնածներից շատերն ալկոհոլի հանդեպ սեր ունեն: Վաղինակ Սարգսյանից հետաքրքրվեցինք՝ արդյո՞ք այդ խնդիրը կա նաև պետական սահմանները հսկող սահմանապահների շրջանում:
«Ասել, որ ինչ-որ մեկն ինչ-որ տեղ չի խմում, ես սուտ կխոսամ: Մարդկային գործոն գոյություն ունի, բայց, որ գլոբալ վերցնենք, նման բան չկա: Չի կարող սահմանապահը զենքը ձեռքին ալկոհոլի ազդեցության տակ դուրս գալ սահման: Նա քրեական պատասխանատվության կենթարկվի»,- վստահեցրեց Վաղարշակ Սարգսյանը:
Մանրամասները՝ տեսանյութում:
Նարեկ Կիրակոսյան
