14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Երեխաները փողոցում՝ ասֆալտի վրա են պարապմունքներ անում, և ահագին բեմերի են հասել. Սաղմոսավանի գյուղապետ Գևորգ Ավագյան. ՏԵՍԱՆՅՈՒԹ
Հասարակություն
26.04.2019 | 13:09
Ունենք մշակույթի տներ, որոնք ավերակ են, բոլորս ցավում ենք դրա համար, բայց դրանք պարտավոր են պահել բոլորը: Մարզերում մշակութային խնդիրներին նվիրված քննարկման ժամանակ այս մասին ասաց Սաղմոսավանի գյուղապետ Գևորգ Ավագյանը:
«Բոլորս էլ պարտավոր ենք՝ համայնքի բնակչից մինչև համայնքի ղեկավար, մարզպետ, պատգամավոր: Բայց առաջինը հենց համայնքի բնակիչն է պարտավոր պահել-պահպանել իր համայնքի ունեցվածքը: Ասում են՝ Կառավարությունը քանդեց մշակույթի տունը, բայց դա Կառավարությանը չէր, համայնքի սեփականությունն է եղել, մեր երեխաներինն է եղել: Եթե այսօր մեր տան պարկետը պոկվի, պետք է թողնենք՝ այդպես մնա՞»,- անդրադառնալով Factor.am-ի ֆիլմում ներկայացված խնդիրներին՝ ասաց Գևորգ Ավագյանը:
Նա նաև նշեց, որ Սաղմոսավանում որևէ վարչական կառույց չունեն, քանի որ նախապես այն Արտաշավանի հետ մեկ համայնք է եղել, իսկ առանձնանալուց հետո բոլոր վարչական կառույցները մնացել են Արտաշավանին:
«Բայց այսօր մեր համայնքում կա երգի, պարի, թատրոնի խմբեր: Երեխաները փողոցում՝ ասֆալտի վրա պարապմունքներ են անում և ահագին մեծ բեմերի են հասել»,- հավելեց համայնքապետը:
Մանրամասները՝ տեսանյութում:
Ռոբերտ Անանյան
