18.09.2026 | 11:33
Ավելին, քան պարզապես մրցանակներ․ ավարտվեց Junius ֆինանսական մրցաշարը
Սա բոլորիս ամոթն է, մոտեցումը եղել է գավառական՝ կառուցել Երևանը` անտեսելով մարզերը. Ռուբեն Բաբայան. ՏԵՍԱՆՅՈՒԹ
26.04.2019 | 12:50
«Տեսանյութը, որը մենք դիտեցինք, բոլորիս ամոթն է։ Մեր հիմնական խնդիրն այն է, որ այս 30 տարվա ընթացքում պետություն կառուցելու սխալ քաղաքականություն էր որդեգրվել։ Պետությունը բուրգի պես է, այն չի կառուցվում վերևից, այն պետք է կառուցվի ներքևից, որպեսզի ամուր լինի։ Պետությունը պետք է կառուցվի սահմաններից»,- այսօր «Մշակութային խնդիրները Հայաստանի գյուղերում» քննարկման ժամանակ ասաց Տիկնիկային թատրոնի գեղարվեստական ղեկավար Ռուբեն Բաբայանը։
Նա ասաց, որ պետության կառուցման գործում մոտեցումը եղել է «գավառական», շեշտը դրվել է միայն Երևանի զարգացման վրա, որի հետևանքով մարզերն ու գյուղերը մնացել են ստվերում․ «Սահմանամերձ գյուղեր ամեն այցից հետո մենք հասկանում ենք, որ մեզ մոտ սխալ ընկալում կա, թե ինչ է մշակույթը։ Մշակույթը ձևավորում է ազգի որակը, և եթե մենք ուզում ենք ունենալ որակյալ ժողովուրդ, ապա մենք պիտի հաշվի առնենք, որ քաղաքացին անկախ նրանից, թե որտեղ է ապրում, պետք է ունենա իր արևի կտորի իրավունքը»։
Մանրամասները՝ տեսանյութում։
Ռոբերտ Անանյան
