03.09.2026 | 14:36
ՌԴ-ի հետ քննարկում ենք Աջափնյակի մետրոյի կայարանի կառուցման հարցը. Փաշինյան․ ՏԵՍԱՆՅՈՒԹ
Պետք է լինեն ուժեղ համայնքներ, որոնք իրենց թույլ կտան ունենալ մշակույթի տներ․ Վահե Բուդումյան
Հասարակություն
26.04.2019 | 12:43
Իսկապես կարևոր նախաձեռնություն է՝ քննարկել մարզերի և համայնքների մշակութային խնդիրները, թեև պարզ է, որ մշակութային հատվածը մարզային խնդիրների մեկ մասն է: Հայաստանի գյուղերում մշակութային խնդիրներին նվիրված քննարկման ժամանակ այս մասին ասաց ՀՀ մշակույթի նախարարի տեղակալ Վահե Բուդումյանը:
«Խնդիրները բազմաշերտ են, սակայն ներկայացված տեսանյութում նկատելի էր մեկ ընդհանրություն՝ ամենից հաճախ բարձրացվող հարցերն առավելապես կապված են ենթակառուցվածքների բացակայության հետ: Երբ համայնքը չունի տարրական պայմաններ, շինություններ, բնականաբար՝ խոսել մշակութային քաղաքականության իրականացման մասին՝ բավական խնդրահարույց է»,- անդրադառնալով քննարկման մեկնարկին ներկայացված Factor.am-ի տեսանյութին՝ ասաց մշակույթի փոխնախարարը:
Ըստ Վահե Բուդումյանի՝ մարզային, համայնքային մշակույթի խնդիրների մասին խոսելու համար առաջին հերթին պետք է ունենանք ուժեղ և հզոր համայնքներ, որոնք կարող են իրենց թույլ տալ ունենալ գրադարաններ, մշակույթի տներ և այլն. «Դրանից հետո արդեն մշակութային քաղաքականության իրականացման հնարավորությունների մասին քննարկումը կլինի տեղին»:
Մանրամասները՝ տեսանյութում:
Ռոբերտ Անանյան
